[علياء حسن]

.


ولا مرّيت "غلطة" تفتح .. الأبواب
................. تلملم ../ ما بقى منّي على ترابك

أنا : دعوة وجع تهديك : للمحراب
................ ولين اليوم : ما ولّيت ../ محرابك !

وخاطر حب ما ودّع يدينك / غاب
................ وخاطر كل شوقٍ ليّ ../ ما جابك :

إذا مرّ الوله و أحتجت لك أحباب
.................. أمانة : ردّني .. "من بين أحبابك"

تلبّست إنتظارك .. قبل أي غياب
................ تحمّلت : العنا ./ إهمالك ./ عتابك

يا مُذنب في غيابه .. ما رجع / ما تاب
................ عجزت أستمطرك وأتبلل أسبابك !

عجز قلبي يلاقي في هواك كتاب ..
............... مسطِّر حاجتي أو "كيف أبقى بك" !

أجي خالي أخاف أنّي أدقّ الباب
................ وأروّح .. ليتني : ما شفت أبوابك !

وأنا وحدي إذا منّك خفوقي ذاب :
................. تنادي له .. ويغفر .. زلّة غيابك !