[طلال الفقير]

الوداع ..

يا رب وش كثر

أنا مشتاق .. مشتاق

وشلون اضمه والقدر بيننا حال ..

وش حيلتي والشوق يشكيلي عناه

وش حيلتي والعين رافقها السهر ..

البارحة قلبت دفاترها والصور

عادت بي الذكرى على أوجاع وألم ..

كل الزوايا على حالي بكت

كل الزوايا دونها موحشة ..

سج الفكر بين الزوايا الاربعة

سامرت جدران غرفتها والأماني ..

يا ما جرحنا الوجد على رسم الخيال

و يا ما طردت طيفها على مد السراب ..

وقبلت مبسمها وأنا كلي وله

بين أوراقها عشت ميلاد ثاني ..

طلال الفقير