[ الفــكـــر بـصـــــمـة ]

[ثاني الدهمشي]

للتواصل مع احبتي ..

:
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا صاحبي لو للقــــلوب اصــوات=واللي منحـــني خـوّتك ضـــــعنا
قمّة شـعــــور الآدمـــي بـ/سكــات=سبحـــــــان خـالـقــــنا ومبـدعنا
لو نعتــبر كل شيّ ماضي فـات=ما صار شي اسمـه ( مواجــعنا )
تدري متــى تحــيا بنا الأمـــوات؟=لا جــــرّت الذكــــــرى مدامـــعنا
ولو (خــذ) قيـلت قبْل قـولة (هـات)=ما كان قــــلّ الحــــال يجــــزعنا
والضـعــف والقـــوّة تجي حالات=وتـنـتـابـــنا حـــسـَب مواضـــعنا
ما كــل من يخــطي عليه اثبات=ولا كــــل من نرضــــاه يقـنـــعنا
ولو تغني (الصوره) عن (الكلمات)=صــارت قصــــايدنا تخــــــادعنا
والشـعـر ماهـو بس نــظم ابيات=الشعــــر حــاله عايـشه مــــــعنا
والفكر بصــمة يعني البصْـــمات=ماهـي فقــــط بأطراف اصــابعنا
تدري؟ ابيك تركّـــز لـ/ لحـظات=بذكر بعـَـض أســــوأ طـبــــايعنا
يا صاحـبي ما عـــاد به هــقوات=وكنّا علــــــى هالشــي وقــّــــعنا
نخدم بعضــــــــنا لكـن لغــــايات=أو قل : مصـــــــالحنا تشـــجّـعنا
لـ/كل جــــــواد بهالزمـن كــبْوات=وصدق الوعــد مبــطي مــودّعنا
آرائــنا تبــنى على الشهـْـــــوات=وافكـــــــــارنا ناتــــج توقـّــــعنا
وايامـــنا تخلــو من الصــــدْمات=من كثـــــــــر ما حنّــا تجـــرّعنا
وعـــــــاداتنا توديــــع للعـــــادات=اللي على انقـــــــاها تـرعــرعنا
هذا زمـــان ابــاحـــة الشـــبْهات=وإدانة اللـــي فيــــــــه يـــردعنا
ياخي ترى كــــثر التهـــاون بات=يبــعـــد خـُـطانا عن جــوامـــعنا
والوازع الديـني رقـــــيب الـذات=لكنـــــه اضـعـــف من تســـرّعنا
والكذب اهم خطوة من الخطْوات=اللي توصّــــلنا مطامـــــــــــــعنا
والصـــدق نادر ندرة الهـــفْوات=فأجيــال (حيّــه) في (مراجــــــعنا)
واليـوم ذا ماضـــي لـ/ يــــومٍ آت=والآت مستــــــقبل لواقــــــــــعنا
يعني وش نـورّث من انجــازات ؟=ما دامــــنا ضعــــنــا وضيّــــــعنا
وحرّيــة الرأي فبعــــض حاجات=أكبـــــر دلــيــل انّـا تراجــــــــعنا
لو يحتــــمل صدر المكــان آهات=له يــــوم يستـنطق شـــــوارعنا
يا صــاحبي قـم وارفــع الرايــات=وانا بأقــول لمــن بيــــســمـــعنا
عندي ســؤال اجـابته..(إنصـــات) !=ذا طـبــــــــعنا وإلا تطــبّـــــعنا؟؟[/poem]


: