وش لون يظلمني وأنا بنت عمّه ؟

[بنت وايل]

اسعد الله اوقاتكم بخير الخير



نص يناشد الرضى ..

.



.



.


.





[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ما عـاد يسـوى هالزعـل ياقليبـي=فـل الحجـاج ولملـم الّـي تلـمّـه
لاتذرف الدمعـة ولا تـذم عيـبـي=الطيب عيـب(ن) حالفـة مـا أذمّـه
أمشي علـى النيـة ويمشـي نصيبـي=لـلّـي كِتَـبْـه الله ولازم يتـمّـه
وإنْ كانها اصـروف الليالـي بـجيبـي=والله ما امنـع كــود راس المطـمّـة
و راس المطمّة ما كمـن فـي صويبـي=إلا بعـلـة هالصـويـب ومـزمّـه
للـي تحـرّى مـعْ شروقـي مغيبـي=وش لون يظلمني وأنـا بنـت عمّـه!!
وش لون صدّقْ بي هروج(ن) مهي بي !!=وش لون ما مات الحكي عنـد فمّـه!!
إنْ كانهـا بالعـرف , يشهـد دبيبـي=أمشي بجنب الحيـط واخـاف نِمـه
وإنْ كانهـا بالديـن , يشهـد رقيبـي=وتشهد علي الكهف معْ جـزء عمّـه
هو ولد عمّي هـو عـزاي وطبيبـي=وش لون ما أهمّه وأنـا الّـي أهمـه !!
قد قالها ابن اسـرور وانـزاح ريبـي=( وأحدن يحاول بالردى بنـت عمّـه )
والطعنـة الـي جاتنـي مـن قريبـي=ماهـي مطـمّـة الاّ راس المطـمـة[/POEM]




.



.



.


.

 

[عبدالرحمن مازن العطاوي]

.
.

للي تحرى مع شروقي مغيبي
_____ وشلون يظلمني وانا بنت عمّه.!!

للي تحرى مع شروقي مغيبي
_____ وشلون يظلمني وانا بنت عمّه.!!

للي تحرى مع شروقي مغيبي
_____ وشلون يظلمني وانا بنت عمّه.!!

عزالله قصيده يابنت وائل وصح لسانك
تحيتي لك

.
.

 

[أمل عايد]

يابنة وائل ...

لافض فوك ولا عاش من يجفوك ...

وعن ردى أبناء العمومة خبري ...

وظلم ذوي القربى أشد مضاضة

على النفس من وقع الحسام المهند


(صح لسانك يابنت الأجواد) ...

نص معبرّ بحق ...

 

[عبدالحميد بن ناحي]

شكراً بنت وايل
كان نص بسيط يعبر عن ألم داخلي
ثقي أنه سيصل إلى القلب

دمتي بصحة وعافية

 

[غنج نجد]

الشاعره الجميــله


بنت وايــل

اهلا بــك .. وهذا البـوح الصـادق
بتلك القصيـده الفاخره رغم الألم المغلف
زوايـاهـا ...

وش لون يظلمني وانا بنت عمـه ..؟

تساؤل عانـق السحاب فانسكب الدمع مطر , شعر

صح الله روحك غلاي
ومدائن ورد لقلبــك


اختك

غنج نجد

 

[محمد البديني]

اقل ما اقول لكِ رائعه يابنت وائل


لله درك على هذه الدرر


صح لسانك ولاهنتي اختاه

دمتي بخير

 

[عبدالعزيز رشيد]

للي تحرّى معْ شروقي مغيبي
ـــــ وش لون يظلمني وأنا بنت عمّه!!
وش لون صدّقْ بي هروج(ن) مهي بي !!
ـــــ وش لون ما مات الحكي عند فمّه!!
رغم أن أغلب الأبيات تدفّقت للتعبير عن مافي داخلك إلا أن هذين البيتين كانا محمّلين بـ قدرٍ كبييير ووافر من الجمال الذي لايلتقط إلا بـ لحظة صارخةوفائقة الشاعريّة
تحيّاتي لك

 

[صالح الضويحي]

المشاركة الأصلية كتبت بواسطة بنت وايل

اسعد الله اوقاتكم بخير الخير
نص يناشد الرضى ..

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
للـي تحـرّى مـعْ شروقـي مغيبـي=وش لون يظلمني وأنـا بنـت عمّـه!!
وش لون صدّقْ بي هروج(ن) مهي بي !!=وش لون ما مات الحكي عنـد فمّـه!!
..
..
..
هو ولد عمّي هـو عـزاي وطبيبـي=وش لون ما أهمّه وأنـا الّـي أهمـه !!
قد قالها ابن اسـرور وانـزاح ريبـي=( أحدن يحاول بالردى بنـت عمّـه )
[/POEM]
.

وشلون يظلمني وأنا بنت عـمّـه..

ياسلام ياسلام الله عليك..مناشده تستحق ان تمنح كل مساحات الرضى
نص كـُـتب بمداد الولاء ولغة الأنتماء.. وصراحة المنطق..

مؤلم في ماخلف الاسطر.. وممتع في مادون ذلك..

( احدٍ يحاول بالردا بنت عمه ) تضمين اكثر من رائع

بنت وايل


اهلا بهذا الحضور ..الراقي شعرا وفكرا



تحياتي لك