حلم الطفوله

[غازي عبدالله الرويلي]

[poem=font="traditional arabic,6,white,normal,normal" bkcolor="seagreen" bkimage=""

border="outset,10,limegreen" type=1 line=1 align=center use=ex num="0,black""]


انا بعلم والا بحلم لكن عسى بـه خيـر=كوابيس منها قمـت مفـزع ومرتاعـي
حدث داخلي تغيير يحتـاج لـه تفسيـر=غرايز ألعاب اطفال من داخلـي تاعـي
شقاوة طفولة تعشـق اللعـب والتكسيـر=ليالي الطفوله عودت لـي بالارجاعـي
انا اشوف يانصف القمر فيك شاطي غير=لقيته علـيْ مـن الولـه باكيًـا ناعـي
انا غبت عنك اسنين وشاطيك كالحرير=ولا زلت تذكر وقفتي كيف بوداعي
تخدر اقدامي من وقوفـي بـلا تخديـر=على كاهلي حملاً غرسهن على القاعـي
تركتك قبل عشرين عامًا علـى التقديـر=ولقيتك مثل ماكنت . وانا شف اوضاعي
من ارمالك ابني بيت واحفر بجنبه بيـر=وعلى اقدامي ابني من رمالك لي شراعي
اصّور جميل ابداع فكري بـلا تصويـر=واجمّع من اصداف البحر وارسم ابداعي
وتجي منك تيارات موجًا علـيّ اتغيـر=تقضّه وتغسل ماتبقّـى علـى ذراعـي
عيوني تسجّل كـل ماناظـرت تقريـر=ولو كان بعض احيان مال النّظر داعـي
اشـوف الأوادم لامعيـبٍ ولا تحقـيـر=ولا شفت من يشبهك ياساكن اوجاعـي
عليم الله ان القلب مـن هـزّه التفكيـر=حضن منك مايرضيك يامنتها اطماعـي
يسوق الهواجس واعتلت ساحة التحرير=نداها صقوط الطاغيه هاجـسٍ ساعـي
اذا انّك تبيني ملك ملكـك بـلا تنصيـر=على كيفك اقسمني لك انصاف وارباعي
على منبر المحراب يا راهبًا فـي ديـر=على كيف ماترغب اطوّع لك اطباعـي
[/poem]