نواف التركي .. بضيافتي في ( اخر من يعلم ) !

[شذرة السيف]

امنيه :
اتمنى عدم الرد الا عندما انتهي من وضع الحلقات كامله ..
واحببت ان انوّه انني استعنت بالمصممه الجمـان .. فـ اكرمتني بهاذا الجمال ..

 

[شذرة السيف]

.
.

بسم الله نبدأ ..؟

ســــــم بالله وأبــــــدا لا تــلــفّــت لأحـــــــد..//..أمش ما فيه شـي بـهالزمـن مستحيـل



كيف تقضي اوقاتكـ بهذه الايام ..؟

أدور داخــــــــل رحــــــــاة الــــوقــــت وأشــــعــــاري..//..تقـتـاتـهـا الــنــاس جـــــوع وتــطـــرب لـ/ ونّـــــي



كلّمني عن نفسكـ .. طريقتكـ بالحياه .. والتفكير ؟

مجرد أنسان خاف مـن الصخـب وأنعـزل..//..أختار يحضـر علـى قـدّ الشعـر والشعـور
أصعب مـن أنّـه يكـون بهالزمـان السّهـل..//..وأسهل مـن أنّـه يكـون الممتلـي بالغـرور
مـورق كثـر مـا يحـسّ أن الأماكـن محـل..//..ممحل كثر وحشة المنفى وضيق القبور
عـمـيـق حـــدّ أنّـــه أحـيـانـاً يـحــسّ بـجـهـل..//..بسـيـط حــدّ أنــه يـشـوف الـمـدى للعـبـور
أحــسّ بــه طـفـل لا مـــرّ الـفــرح وأحـتـفـل..//..وأحـس بـه كهـل لا كبـرت علـيـه الأمــور
أحيـان أحسّـه يحـبّ مـن الحديـث الـغـزل..//..وأحيان ماهو علـى درب المحبـة جسـور
بــكــرة تـجـيــن الـمـكــان وتـذكـريـنـه رحـــــل..//..مــــا يـسـتـقـرّ أدمــــي دام الـلـيـالـي تــــدور




مغرور .؟

عـادي كثيـر أحـيـان..//..وأحـيـان فـيـنـي كـبــر



تعتقد انكـ موجود بزمن ليس زمانكـ ؟

ماهو بـ هذا زماني جيت متأخر ..//.. مفروض قبل السنين العوج ميلادي


بطريقه اخرى .. من انت ؟

أنــا خــويّ الحنـيـن الـمـورق الـفـارق..//..لا ضـيّـقــوا صـــــدره الأشــبـــاه لـبّـيـتــه
جيتك من الـلازمان أسوق لي بارق..//..لقـيـت لــي لـيـل مـيّـت قـلـب وأحيـيـتـه
الـيـوم حـاضـر وبـكـره يمـكـن مـفــارق..//..لا ضقت من هالمكان بصدق خليّتـه



بماذا تفسر قلة حضوركـ بسماء ابعاد ..؟

أنــا مــا أعــرف أغـنّـي والسـمـا زحـمـة..//..متـى طـارت عصافـيـر الـكـلام أرتـحـت
لعـلّ إن غفـوة إحساسـي تـجـي رحـمـة..//..وأكون الشاعر اللي ما عليت وطحت



ألا يغريكـ الشعر للعودة ؟

أعمـارنـا مـورقـة وأرواحـنــا شـابــت..//..والشـعـر مـاعــاد تغـريـنـا تقاسـيـمـه
نـقـول طـابـت وهــي والله مـاطـابـت..//..ولا كــلّ كـبـوة مــن الدنـيـا بتعلـيـمـه



اجبني .. ألا يغريكـ فعلا ؟

تبين الصدق ماعاد الشعر يغري ..//..مجرّد حكيٍ إن ضاق الفضى قلته
مثل طعم الزقارة لا أنجضت صدري ..//..مثل هذا الزمان الغث وأسألته



لم اعرفكـ هكذا نواف .. ماذا حصل لكـ ؟

يا من تدرين عنّي صرت ما أدري ..//..ولا أعرف هـ / الطريق ولا تخيّلته
كبرت أكثر من اللازم وأنا بدري ..//..عليّ الشيب , لكن جاء , وجمّلته
ولا لي حقّ بأرض الله سوى قبري..//..أمانة شلتها وأحطّ ما شلته



لكن العمر يمر .. والسنين تزيد في عددها ..؟

مــــرّات أقـــــول الـعــمــر تـــــوّه ويـمـديـنــي..//..ومـــرّات ألـعّــن حـيـاتـي وألـعــن سنـيـنـهـا
كـــنّ الأمـــل حـبــل وأفـلـتّـه مــــن يـديـنــي..//..أو بـنــت يـــوم الـفــراق وعـيـنـي بعيـنـهـا


بما ان الكلام من فضه والصمت من ذهب .. ايّهم اخترت ؟

الـبـارحـة بــعــتّ فــضّــة وإشـتـريــت الــذّهــب..//..الـبــارح الـصـمـت كـــان أبـلــغ كـــلامٍ ثـمـيــن


باستطاعتي افسر صمتكـ غموضا ..؟

تقول لي غامض ولاني بـ/ مفهـوم..//..أدري وربــي / فكّـنـي مــن غـثـى لـيـه
الصـمـت هــذا مـاهـو بـ/ سالـفـة يـــوم..//..رحـلــة عـمــر وسـنـيـن وأنـــا مـخـاويــه






يتبع ... فـ ليس للجمال آخر ..!

 

[شذرة السيف]

قالو لكـ عن الحب .. الى ان قررت ان تدخل له بنفسكـ .. ماذا حدث ؟

سولفوا لـي عـن الحـبّ وعرفـت وجهلـت..//..كـنـت محـتـاج أعـيـش بنفـسـي التـجـربـة
كنت خايف على نفسي كثير إن غفلت..//..قــلــت أبـخـتــار لـحـظــة مـؤمـنــة وأقــربـــه
لـيـن جيـتـي مــن عـيـون الـكـلام وقـبـلـت..//..قلبـك اللـي قبـل مـا أعرفـه مــا أستغـربـه
لو بقيتي مثل مـا أنتـي رضيـت وزعلـت..//..بـيـنـي وبـيـنـي أعـيــش الـهــوى وأشـربــه
كنـتـي أجـمـل بعيـنـي مــن كثـيـر وجعـلـت..//..ضحكـتـك قبـلـة وصـوتــك غـنــاء أطـربــه





كانت غلطه ؟

ذنـبــي إنّــــي فــرحــت بـجـيّـتـك وأحـتـفـلـت..//..كان مفروض حبـل الوصـل عنـك أكربـه
قـلـت أبخـتـار وأختـرتـك غـلــط وأنـخـذلـت..//..كـنــت أبـيــك الـحـيـاة وصـرتــي الـتـجـربـة






لنفرض انها عادت بعد هاذا الغياب .. وكان اول شيء تقوله لكـ .. شخباركـ .. شبيكون ردكـ ؟

ألــبّـــس الــحـــزن مـــــا يـســتــر بـــــه الـــعـــاري..//..وأخــيــط مـــــن كـبـريـائــي ضـحــكــه لـ/ ســنّـــي
هـــذي هـــي أخـبــاري الـلــي مـبـطــي أخــبــاري..//..مـــــا جـــــد عـقــبــك جــديـــد ولا ســـــأل عـــنّـــي
غــيـــر أنـــــت لا جـابــتــك دنــيـــاي بــالــطــاري..//..ومــريـــت مــثـــل الـمــطــر بـالــشــوق مـتـحـنّــي
تــتـــأكـــد إنــــــــك مــقـــيـــم بــــداخــــل أفــــكـــــاري..//..وإنك رصيدي .. قصيدي .. ملهمي .. فنّي
وتـتـطـمــن إنـك قـدرت بـطـول مـشـواري..//..تــغـيّـب الـكل وأبـقـــى فـيـك مــتــعــنّـــي





واذا حاولت الاعتذار عن ماحدث ؟

نبـرتْـك مرتـابـةٍ تبـحـث عــن المـهـرب..//..وأعذارك أبطـت تـدوّر عذرهـا الواهـي




بهذه البساطه .. انتهى كل شيء ؟

يـاقـربـي الـبـارحــة والــيــوم يــــا بــعــدي..//...ومع كلّ خطوة بكون الحاضر الغايـب
الـوقـت فـرصـة وعـمـر الأدمــي يـعـدي..//..وأنــا تـعـدّيـت وقـــت الـراغــب الـهـايـب
جفن اللقى رفّ لكن ما صدق وعدي..//..والظـنّ مــرّات مايـصـدق وهــو صـايـب
رح دوّر اللـي يـجـوز لخـاطـرك بـعـدي..//..أنــا إذا أقفـيـت أقـفّـي خـاطـري طـايــب




لكنها تحبكـ ..!

هزّك حنينك وجيت بشوق متهيّض..//..توّك عرفت القلوب وشفت مقـداري
خـلّ الرسايـل بقـلـب الدفـتـر تقـيّـض..//..ماني حبيبك متى ما جيت بالطـاري
لا تنـده الـروح تـوّي بالجفـى ريّـض..//..ياطـول لـيـل الـفـراق وبـعـد مـشـواري




حتى لو قالت انها ندمت على وقتها .. بدونكـ .. نواف !

مـــنـــت أوّل الــغــيّـــاب..//..قـبــلــك كـثــيــر قــلـــوب



اعرفكـ جيدا .. لاتكن قاسيا الى هذه الدرجه الا كنت ترى شيئا لا اراه ..

صـرت أحـسّـك بعـيـدة قـلـب ومفـارقـه..//..وإن صدق ظنّي إنّك للجفى للجفى
أعــرف الــدرب هــذا مـبـطـي وطـارقــه..//..مـيـر خانتـنـي الخـطـوة وخـــان الـوفــى
غـــيــــم فـــرقــــاك يــلــمـــع بـالــســمــا بـــارقــــه..//..يوجع البرد وأنتـي مـا بحضنـك دفـى




لكنها تثق بان قلبكـ لن ينساها .. وستسترجع حبكـ لها ..

لا تــفــكّــر إنّـــــــي بــجــيـــك ولا يـخــيّــلــك..//..ياكـثـر قبـلـك نسـيـت وشـلـت مــن بـالـي



والحنين اين ذهب !

اللـي مـفـارق مـاهـو محـتـاج عــذر وسـبـب..//..أشـرّه علـى اللّـي يهـزّه فـ/ الغـيـاب الحنـيـن




من حقّها ان تعرف السبب ..!

مشكلتك أن الله رمـاك بشمالـي..//..صعبه ولوّ أخطى يراجـع كلامـه
(شربت مروقه) عاد لو أنت غالي..//..جاك الكـلام ورافقتـك السلامـه




لنبتعد قليلا عن القلب .. واخبرني :

كثيرا ما نغضب .. وكثيرا جدا مانقرر قراررات نندم عليها عند الغضب ..هل مررت بهذه التجربه ؟

هـو أنـت صـدّقـت يــوم أقــول لــك راحــل..//..ولا أنـت تبغـى الـفـراق وصــارت الحـجّـه
ضقـت وبغيـتـك لمـوجـات الـزعـل سـاحـل..//..رمـيـت حـزنـي بحضـنـك قـلـت لــك نـجّــه
جـيـتـك وأنـــا مـنـكـسـر مـتـبـهـدل وبــاحــل..//..قلـت إنـت تملـك هـدووء يشتـت الضجّـه
يا سيدي صـار خيـر اللـي إلتـوى كاحـل..//..بـأعرج عليه وعسى في هالفضى سجّه
ولا يـهـمّـك لــــو أغــــراك الـجـســد نــاحــل..//..لـي قلـب مـن ويـن مـا وجهـت بــه وجّــه





تفضل بالشبكه العنكبوتيه .. الركن الهاديء .. او الملاذ .. فماذا كتبت عنه ؟

يالركـن الأبعـد مـن الضوضـاء والـ/ لا وعــي..//..يالـهـادي الـلـي عـلـى مـرسـاك طـعــم الـحــزن
أجي من أقصى الحياة أسعى لحضنك سعي..//..صــدرك مــلاذي وأنــا سـيــد الـبـحـر والـــوزن
وش عذري إن جيـت بـور فياضـك ولا معـي..//..مــا يبـعـث الــروح وآنــا الـلـي عـروقـي مـــزن


تؤمن بان الزمان يدور ..؟ وما كان عليكـ ولم يفهمه احد سيكون على هاذا الـ احد وسيفهم وقتها ماكان يحصل لكـ؟

رح قلّ هم.. كان أنهم.. من هالسواليف زعلوا..//..باكر تزين السالفه ..باكر يبـي يـدور الفلـك



و ماذا كتبت عن بن لادن .؟

ثبت يـوم الصحيـح وغبـت مـا بـارت..//..بضاعتك يوم صـار المـوت مـا عنّـه
لا نامت عيون من يجبن إليا دارت..//..رحى الرصاص وتبـدّت ريحـة الجنّـة
أختـرت ذروة سنـام المـجـد وأخـتـارت..//..نفسـك تمـوت بكرامتهـا علـى السـنّـة



ان كنت طيّب فـ انتبه انت مقرود ..//.. هاذي قناعة ميّه بضرب ميّه !
مهما تسوّي تجزا بصد واجحود ..//.. لوّكـ تقدّم مي عينكـ هديه !

من ابياتي و كتبتها بقناعه شخصيه .. ماذ عنكـ انت؟

اللي تجمّلـت فيـه أوّل مـن يخونـك..//..طيبك وعشرتك ما تغني ولا تشفع
تحطّهـم مـن وفـاك بـداخـل عيـونـك..//..ويكحّلـونـك عـمـى لــو بالـتـي تـدفـع
ياقلب تدفع ضريبة صدقك طعونك..//..بالله شفّ وقتك البايخ ومـن يرفـع
تعـلّـم الـكـذب وآنــا أكــون ممـنـونـك..//..الصدق في هالزمان الغث ما ينفع




تعني اننا فقدنا الصدق في هاذا الوقت ؟

الـصـدق مـالـه ثـمــن فأيـامـنـا الـسـاخـرة..//..جرّب وصب الصحيح وشوف شتلاقي




يتبع ... فـ ليس للجمال آخر ..!

 

[شذرة السيف]

هناكـ اناس .. تقتلهم الطيبه .. ويقتلهم العطاء ... الـ فوق العادي وهم من الداخل يحترقون بهموم ومشاكل لا يعلم احد عنها .. ماذا تقول لهم ؟

تدور فيك السنين .. وتمشي .. تفوتك..//..وأنـت أنــت مــا دقّــت الدنـيـا عـلـى بـابـك
تقتـاتـك الـنـاس وأنــت تـجـود فــي قـوتــك..//..تـمـوت فـــي داخـلــك والـنــاس تـحـيـا بـــك
ياعـمّ فضـفـض خــلاص وهــات مكبـوتـك..//..خـــــلّ الـســواقــي تـغــنّــي نـــبـــرة عــتــابــك



هل الصمت .. يكتب ويقرأ ..؟ بمعنى .. هل الصمت لغة صعبه لهذه الدرجه ؟

كنّ الكلام بدفتر الصمت مكتوب..//..لا قـــادر أطـوفــه ولا قـــادر أقـــراه
وأنـا علـى بوابـة الحـلـم مصـلـوب..//..عبرة لمن غيـب المقابيـل ينسـاه
مـرّتـبـي قـلــوب وتعـدّتـنـي قــلــوب..//..وأنـــا أنـــا مـحـطّـة الـدمــع والـ/ آه
غديت كنّي مفرق دورب لدروب..//..تــمــرّه ركـــــاب الـقــلــوب وتــعـــدّاه



قالوا :

اذا كان الكلام من فضه فـ الصمت من ذهب .. ماذا تقول ؟

الصـمـت عـتـق رقــاب..//..دام الـحــديــث ذنـــــوب
وإن كان جرحك طـاب..//..فـالــذكــريــات نـــــــدوب


من يرديني اهلا به .. ومن لا يريدني لن اسأل به .. قلت ذلكـ؟

ماعاد تفرق من يجي من هـو يـروح..//.. بس المهم مــن راح يقـفـي بـشــرّه
اللي يبي يرحل ترا البـاب مفتـوح..//..ماني بـشاري خاطر أنسـان مـرّه





تتجاهل اسائتهم .. طيبه ام غباء ؟

ماني غبي.. لكـن ..أفـوّت ويمنعنـي..//..طيبـي وأشـرّع لهـم قلبـي بأبوابـه
واليا تعدّوا خطوطي غدر فـ/ أقنعني !..//..وشلون هـ/ اللي غدر ما أشقق ثيابه ؟


هل لكـ مناجاة ربانيه .؟


يـارب وإن كـان بــاب الخـلـق متسـكّـر..//..فـأنـــا بـبـابـك وقـفــت وطـالـبـك حـاجــه
يـارب عـبـدك وأبــن عـبـدك و متـذكّـر..//..ذنـبــي وطـامــع بـعـفــوٍ مـنــك وإفـراجــه
يـــــارب لا تـحــدّنــي أحــمـــد وأتــشــكّــر..//..غيـرك وأنـا مـا حنـيـت لغـيـرك وتـاجـه
وأعـوذ بـك كــان خــاب الـحـظ وإتنـكّـر..//..عــن وقـفـة الــذل والشـمّـات وإحـراجــه
يـارب جوعـي ضمـاي ومشـيـي مبـكّـر..//..للمسجد وخوف نفسـي منـك وخلاجـه
لا تجعـلـه كـهالـبـاء إن جـيـت ومفـكّـر..//..ينـفـع ولا ينـفـع إلا عـفـوك إن واجـــه
عبـدك صراطـك ومـال الذنـب وإتسكّـر..//..في وجه نفسي طريق وجتك محتاجه



وهل الحزن يستفزّكـ لـ تكتب ؟

عطني من الحزن ما يكفي سهر عيني ..//..وأبشر بـ شعرٍ يحرّك ميّت إحساسك





قابلت احد اصدقائكـ .. واكتشفت انه لازال تحت رحمة الماضي .. يصارع وقته بين الفقد والذكريات .. ونسي ان يعيش يومه .. ماهي نصيحتكـ له .. كـ نواف الصديق ..؟

أفتح قفص قلبك , تغادرك الأسراب..//..وأحــفـــر لـــلأيـــام الـقـديــمــة مــقــابــر
خلّ أمس يسري لا تعلّق بمن غاب..//..جــرحــك قــديــمٍ مـــــا يـطـبـبّــه عــابـــر
واللـي ورى الأهـداب خلّـه بالأهـداب..//..لـك عمـر صابـر كمّـل العمـر صـابـر
مـا تاقـف الدنيـا علـى فقـد الأحـبـاب..//..تـلــقــى لـكــســرك بالـمـقـابـيـل جــابـــر
إن طـاب ولاّ كـذّب وقـول لــي طــاب..//..أسـتـر عـلـى جـرحـك دخيـلـك وكـابــر
أمّــا تـكـون الحـلـم بعـيـون الأغـــراب..//..ولاّ تــغـــيـــب وتــفــتــقـــدك الــمــنــابـــر
خابرك قـاوي لا ضحـك للجفـى نـاب..//..وأبـيـك تبـقـى مـثـل مـــا كـنــت خـابــر



كنت ولا زلت اراكـ كـ الجبل صامدا .. في وجه كل من يضرّكـ ؟

تحسبـيـن الجـبـل مـرتــاح..//..وهــو واقــف عـلـى حـيـلـه
وربـي يحسـد اللـي طــاح..//..إذا حـصّــل مــــن يـشـيـلـه
بــــلاش تـقـلّـبـيـن جـــــراح..//..أنــــا مـحـتــاج لــــي لـيــلــة
تــكـــون مــطـــرزّة أفــــــراح..//..ولا لـي حــزن إغـنـي لــه
ولا اسأل عن حبيبٍ راح..//..ولا صـــاحــــب ولا نــيــلـــه
لـوحـدي يكـفـي الـلـي راح..//..لــحــالــي بــــــس تـعـلـيــلــة



نجد حاليا من يكتب عن النقاء .. وعندما تبحث بالـ CV تبعه .. تجده زفرا .. لايمت للنقاء بصله .. كيف يعيش الكذب هذه الايام ؟

إن عشـت صـادق تمـوت وتخلـد بيـوتـك..//..يـتــذكــرك كـــــل صـــــادق قــلـــب غــنّــابــك
وإن مــتّ كــاذب يغـيـب بغيبـتـك صـوتــك..//..لاصـرت عـادي فـ/ عـادي مثلـك غيابـك

في ساحة الشعر .. البقاء للافضل .. اليس كذلكـ؟

يموت الشاعر المصنـوع مـن لا شـي..//..ويـبـقـى الـشـاعـر الـمـجـبـول بـالـفـطـرة
وأنـا مابيـن أمـوت وبيـن أكـون الحـي..//..سجدت أستجدي عيـون السمـا قطـرة





يقولون ان من يحضر بكثّف حضوره .. يختفي سريعا ..؟

.قـالــوا الـشـعـر يـفـقـد لــذّتــه لا كــثــر..//..قلت قولوا لمن يحسب لهذي حسـاب
بـكـره نـعـرف مــن يبـقـى لصـوتـه أثــر..//..من كتب للحضور ومن كتب للغيـاب



منذ ان وعينا على هذه الدنيا .. ونحن ندركـ ان الليل صديق الشاعر المفضل .. ماذا عنكـ هل تحاوره .. ويفهمكـ؟ هل مللته ؟

ياليل عندي سـؤال أرجـوك علّمنـي..//..أليا متى يورق الدفتـر مـن أحزانـي
أليا متى أنفث الأبيـض ويـ/ ألمنـي..//..خويـي اللـي لكـل العمـر خاوانـي
ياليـل مليـت كـل النـاس كلّمـنـي..//..ما دام حظي رمانـي فيـك وأغوانـي
ولاّ مثـل مـا وصلتـك قـوم ولّمنـي..//..وودعّني آخـر وداع وروح وأنسانـي
ياليل .. تكفى لوجه الصبح ... سلّمني..//..على مثل ما الغروب لسجنك ... أهداني



اعرفكـ كثير الغياب .. بل تعشقه .. هل هناكـ من يفتقدكـ حينها ؟

مدري مـن اللـي يـوم أغيـب أفتكرنـي..//..الـفـقـد صـــار أغـلـبـه كـذبــة وتـمـثـيـل
لـكـنّــي أعـــــرف واحـــــدٍ مـــــا ذكــرنـــي..//..وأنـا أحسبـه لاطحـت بحمولـي يشيـل
كـنّــه لـسـاعــة مــــوت قـلـبــه ذخــرنــي..//..أخـتــار وقـــت تـمـيــل الأيــــام ويـمـيــل
لا يحـسـب أنّــه يــوم يـقـفـي كـسـرنـي..//..خـسـرت الأثـمـن مـنـه ماقـلـت يـاويـل



مستعد ان تتركـ الشعر خلفكـ على ان لايصيبها شيء ؟

ما ودّك نغيب أنا ملّيـت هالعالـم..//..حروف متكلّفـه ووجيـه كذّابـه
الكل منهم لطعنة صاحبـه والـم..//..قلوب متفرّقه وعقـول تتشابـه
ياصاحب الحزن يا مجنون يا حالم..//..المنطق اللي أشوفه منطق الغابه
أذا لـ/ هالحين قلبك منّهم سالـم..//..يالله مشينا لأبوها شعر وكتابـه



وماذنبنا نحن .. متابعينكـ ؟

يمكـن بـعـض مــن شافـنـي شافـنـي غـيـر..//..ويمـكـن بـعـض مـــن هـــو قـرانــي خـذلـتـه



يتبع ... فـ ليس للجمال آخر ..!

 

[شذرة السيف]

كيف كان شعوركـ عندما صدمت باغلا اصحابكـ ؟

أصــبـــر عـــلـــي مــنــصــدم روحــــــي بـأجـمّـعـهــا..//..أبــطـــلـــق أبــــهــــام هــــــــذا الــغـــبـــن مــــــــن نــــابــــي
أصـــــبـــــر عـــــلـــــي بـــــاقـــــيٍ دمـــــعـــــه بـــأودعـــهــــا..//..مـــن سـجــن عـيـنـي تــــروح وفــــدوة أحـبـابــي
لـــــو كـــــان عــيـــب الــرجـــال يـــهـــل مـدمـعــهــا..//..لـــكــــن وشـــأقــــول عـــــــزّ الـــدمــــع لأهــــدابــــي
حـــاولـــت أكـــابـــر بـــهــــا لـــكــــن نـــــــزل مــعــهـــا..//..مـع الأسـف مـن حسبـتـه صـفـوة أصحـابـي
أســـــــكـــــــت تـــــــراهـــــــا كــــبـــــيـــــره لا تـــرقـــعــــهــــا..//..شــف خـنـجـر الـغــدر بـيــدك ويـــش سـوّابــي
شــف دمــي الـلــي عـلـيـه وشـــوف موضـعـهـا..//..له درّك مــــنــــيــــشـــــن صـــــــــــــــــح لأعـــــطــــــابــــــي
كــنـــت أذخـــــرك لـلـسـنـيـن وســـــوء طـالـعــهــا..//..وشـــلـــون قـــبـــل الـــعـــدو خــنــجــرك يــبــدابـــي



قبل ان تطرده خارج هاذه الروح .. ماذا تقول له ؟
فــــــي خـــاطـــري كـلـمـتـيــن أبـــيـــك تـسـمـعـهــا..//..قـــبــــل أتـــوكّــــل عـــلــــى الله وأعـــلــــن غــيـــابـــي
الـــــــــروح هـــــــــذي وطـــــــــن خــــضـــــرٍ مــرابــعــهـــا..//..وأطــهــر مــــن أنــــك تــــدوس بـرجـلــك تــرابــي
ولـــــو تــغـــرب الـشــمــس بـعـيــونــي لـمـطـلـعـهـا..//..مـــا أفــتــح عــقــب طـعـنـتـك لـلـخــوّه أبــوابــي
الـمـشـكـلــه مــــــو سـنــيــنــي كـــيــــف أرجــعــهـــا..//..المشكله كنت أحسبك صفوة أصحابي




ماذا قلت لمحمد عن اجمل من فقدت من الذكريات ؟

يـا محـمـد أجـمـل مــا تـذكّـرت مفـقـود..//..خــالــي مـكـانــه لا تـفــقّــدت صـــــدري
كـنّ العـمـر فــي ناصـيـة فـقـد معـقـود..//..وكـنّ السنيـن لوجهـة اليـاس تـجـري
أغيـب روح وهاجـس الشعـر موجـود..//..وأكتب وأنـا مغلـوب منّـه علـى أمـري
أحيان أحسّـه صـوت بشـرى بمولـود..//..وأحـيـان أحـسّـه نـاعـيٍ فـــوق قـبــري
ما في شعـوري عـن تفاصيلهـم زود..//..لكنّـي أقبـض بيـد الأحسـاس جـمـري
مـا للسـفـر وجـهـة ولا عـمـر وحــدود..//..من وين ماهبّ الأمـل سقـت عمـري
صاحبْك مع حـزن النهايـات موعـود..//..ولا عــاد شــيٍ فــي الـبـدايـات يـغــري
تـعــال نـسـنـى بـيــر الأحـــلام بــركــود..//..ونصـبّ أغانـي فـي فـم اللـيـل بــدري
عـلـى تقاسـيـم الـوجــع دنـــدن الـعــود..//..وأصدح بما أوتيت وأصدح بشعري
دام الـفـرح بكـفـوف الأحـــزان مـــوؤد...//..سـلّـمــت لأفـــــواه الـمـقـاديــر عـــــذري
لا ضـحـكـةٍ تــولــد ولا غــايــب يــعــود..//..ولا أفـلـتـت كـــفّ المـشـاريـه صـبــري
واللـي عليـه حـيـام أحاسيـسـي ورود..//..ليتـه عـن اللـي يـطـرق الـبـال يــدري
ماكان أغيب وهاجس الشعر موجود..//..ولا مـكـانــه خــالــي بــوســط صـــــدري


قمة الوجع ان لا يصبح كل شيء كما هو مفروض ان يكون .. اي لا الفرح هو الفرح .. ولا الحزن هو الحزن .. لا طعم لا لون لا رائحه .. كل الاحاسيس باهته .. اليس كذلكـ؟
يـــا كـثــر مـــا حـولــي تـــدور الـدوايــر..//..وأغـــضّ وعـيــون الـبـشـر مسـتـريـبـة
مـاغـيــر أفــصّــل لـلــجــروح الـسـتـايــر..//..وألـــبّــــس الأحـــــــلام قــــــــدرٍ وهــيـــبـــة
مـكــســور لـكــنّــي كـــســـرت الـعـثــايــر..//..مـــهـــزوم لــكــنّــي هـــزمــــت الـغـلـيــبــة
أزمّ روحـــــــــي يـــصـــغـــرّن الــكــبــايـــر..//..والـلـي غريـبـة صــار مـاهــي غـريـبـة
شبـعـت مــن كـثـر الـتـعـب والخـسـايـر..//..ولا عدت أحسّ إن المصيبة مصيبة


يقال ان الابتسامه لها سحر عجيب .. تمحي الغضب .. وتزيل الهم .؟
مـــــو كـــــل جـــــرح تـقـابـلــه بـإبـتـسـامـه..//..الـنــاس تـســرف بـالـخـطـا لا تـبـسـمـت
لـــو كــــل واحــــد عــــارفٍ وش مـقـامــه..//..مـا طـارت أسـراب العصافيـر لا حـمـت




بماذا وعدت والدتكـ نواف ؟

يـمّــه .. وعـدتــك وأنـــا حــــر ووفــــي ذمّــــه..//..لو تمشي العيب رجلي لآكسر عظامي
متـبـاعـدٍ عــــن جـمـيــع الــنــاس .. يــــا يــمّــه..//..وعـن منّـة الخلـق أقضّـي هالعمـر ضـامـي
طاحت وجيه أغلب الأصحاب للجمّه..//..وأنـــا أتـصـبّــر .. عــــن المـقـفـيـن مـتـسـامـي
يــمّـــه.. ولـــــدك الـصـغــيــر يـــطـــاول الــقــمّــه..//..وأن مـاوصـلــهــا عـــســـى مــجــنــاه لــلــرامــي
يـــمّـــه تــضــيـــق وتــضــيـــق وجـــــــات مـلــتــمّــه..//..مـــن كـــل صـــوبٍ عــلــيّ الــحــزن مـتـرامــي
والـــلـــي يـــهـــدّ الــخــفــوق ويـــحــــرق بـــدمّــــه..//..لاجـاتــنــي مـــــن قــريـــبٍ بــأســفــل حـــزامـــي
لــــو هــــو طـعـنــي بـوجـهــي كــــان مــــا ذمّــــه..//..لــكــن تـغــافــل حــيـــاي وجــرحـــي الــدامـــي
مـشـكـلــتــي أنـــــــي عـــزيــــزٍ مــاأقــبـــل الــنــمّـــه..//..لـــو طـاحــت وجـيــه كـــل الــنــاس قــدامــي
ومـشـكـلـتـي أنّ الـــزمـــان يــخــالــف الــيــمّــه..//..أمـشــي عـلـيـه ويـخــون الــــدرب بـأقـدامــي
مـن قبـل لا ألبـس عقالـي وأعـرف العـمّـه..//..وأنـــــا عــلـــى الـطــيــب بالـثـنـتـيـن مـتـحـامــي
لـــكـــن خــســايــر زمـــانــــي كـــانــــت مــطــمّـــه..//..كــانـــت تـــحـــدّ الـقـصــيــد يــعــانــق ألــهــامــي


واكبر خسائركـ ؟

وأكـبــر خـسـايـر خـفـوقـي (مـــيّ) يــــا يــمّــه..//..مـاعـقـبـهـا بـــنـــت تـــقـــدر تـــغـــري أحـــلامـــي


عندما نتذكر من انجبتنا .. وتعبت في تربيتنا.. وكأننا نصبح فاقدي الذاكره .. ننسى كل الوجع .. ونشعر بالراحه والطمأنينه .. هل تؤكد ذلكـ؟


لـــكـــن تـــهــــون وحــيــاتـــك كـــــــل هـالــغــمّــه..//..ألـــيـــا ذكـــرتـــك تـــهـــون وتــســكــن آلامــــــي
يــمّـــه يـــــروح الــزمـــن ضــحــكــات لـلـخــمّــه..//..وأنـــــا مـــــع غـربــتــي تـلــعــب بــــــي أوهـــامـــي
لـكـن وربـــي .. فـــلا أرضـــى غـيــر بالـقـمـه..//..وأن مـــا وصـلـتـه عـســى مـجـنـاي لـلـرامــي


تحن لأصدقاء الطفوله ؟

يــمّــه .. تــحــنّ .. الـضـلــوع الــعــوج لـلــمّــه..//..وأحـــنّ ل(مـحـمـد) و(عـبــدالله) وسـامــي





من هي اللي تستحق ان تبقى بذاكرتكـ .. ؟

نرجع نغنّـي لـ(مـيّ) الله يذكرهـا..//..بالخير كانت تعرف الحب وشـ/ يعني
اليوم بالذات تحتـاج أنّـي أشكرهـا..//..على الأقلّ يوم راحت جت تودعنـي
ياقلب بيبان وصلـك قـوم سكرهـا..//..في وجه ريح الغرام أن كان تسمعني
كل الوجيه الغريبـه طعنـي أنكرهـا..//..لا يكرمون الجروح بملحهـم طعنـي


لنعود بالذاكره قليلا .. ماذا حصل لكـ بعد غياب .. مي !
من غبت ..ليل السهر في عيني مواصل..//..و تقول صبرك علي وأقول وشـ/ باقي
ما كان بين الوصـل وفراقنـا فاصـل..//..مثل المسافه مابين الحـزن وأوراقـي
أسمعك وأقرأ ملامـح غيبتـك واصـل..//..ما دام عذرك ذنـوب أهديتـك فراقـي
كان العشم فالزمان أكبر مـن الحاصـل..//..يا أخر بقايا الغـرام بداخـل أعماقـي



ماذا كانت تعني لكـ ؟

كنتـي قريبـه قريبـه حيـل لكنّـك..//..آثـرتـي البـعـد لا والله أثـرتـي
ذبحي بليّا ذنـوب وظلـم مـا كنّـك..//..إلا تحرين ( غفلة قلـب) وأخترتـي
يومٍ نجـر الغـرام ب/ قلبـي يدنّـك..//..كان الصدى ياهلابـك بـس سيّرتـي
يمّ الجفى اللي يودينـي علـى ظنّـك..//..أو كان عذر الفراق السمح وأكثرتـي
لومك عشان الحروف السود يرثنّـك..//..لو أن قبر الكـلام العـذب حنجرتـي
تدرين حتى الدموع اللـي ب/يبكنـك..//..ذبحتهن بالسلامه ويـن مـا صرتـي
حمامـةٍ جيتـي تغنيـن فـي فـنّـك..//..على غصون الجروح الخضر ثم طرتي



وبعدها .. من يهمكـ ؟

عقبك فلا أنشد من خذته الليالي..//..بتراب كل اللي يروحون بتراب




برغم وجودكـ بين اصدقائكـ .. واهلكـ وناسكـ .. بماذا تشعر وهي بعيده ..؟ او كيف تراهم بدونها ؟

بليّا روح

تمر بعيوني العالم وجيه أشباح

وأنا ألـ بعدك مثل طير وكسير جناح

ولا مرّيت بعيوني

ولا طيفك يمر بالبّال... مثل الناس



تشتاق لحبها ؟

كثير أشتقت...

ولكني ذخرت العشق للأحلام

وصبيت الوجع للمبعدين أوهام

ولاحسيّت .. بالغربه

ولا لوّحت ..أنا مبعد .. بدون أحساس

ولكن .. فــقــت



وهل تستطيع العيش بدونها ؟

ماني بضامي ولا أنت العدّ والمشرب..//..أنا أكثر اللي يغيب وتحضر أشباهي
البعـد ماهـو غريـب القـرب مستـغـرب..//..ياضحكةٍ ما كتبهـا الله علـى شفاهـي





ونعم بالله .. نواف .. ايهما يوجع اكثر.. الذكرى ام الفقد ؟

مــا يـوجــع الـفـقـد لـكــن تـوجــع الـذكـريـات..//..غيـابـك يـهـون لـكـن صحبـتـك مــا تـهـون




لكن .. لم تصل الى حد البكاء ..

مــا أبكـيـك لأنـــي عـلــى هـــذا الـولــه ضـــاري..//..ولأنـــي خـذيــت الـعـبـر مـــن وقـتــي ولـ/ أنـــي
أخـــاف يـــدري بـــك الـلــي مــــا هــــو بـ/ داري..//..وأصــيـــر مــرمـــى وصــبـــري يـخــلــف بـظــنّــي



ولم لا تعطي الفرصه لقلبكـ ان يتنفس .. ويحب ؟

هي / وألاّ / ما أبي هذا الوكاد ..//..قلتها / ما بين زمزم والحطيم
مالـ جرحٍ تتركه (ميٍ) ضماد..//..ومالـ قلبي من بعد (ميٍ) حميم




ايوجد من يرفض الاحباب !

للسماء لا عـاد تمطـر حبايـب..//..أنا أمتلا ظهري من طعون الأحبـاب




رساله ترسلها مع ساعي البريد .. لـ مي .. ماذا تقول ؟

ليش بغيابك أشعر بـإني أكثر حـزن..//..ليه أحس المكان يضيق رغم السعه
ليـه كـل شـي بعيونـي مـا هـو متـزن..//..ليه لا من طرى طاريـك رحـت أتبعـه
سـيـدي شـاعـرك أضـحـى بلـيّـا وزن..//..جـاء معـه قلـب لكـن راح ماهـو مـعـه



كلمة توجهها لمن يتابعكـ من خلال هاذا المتصفح ..

والله حـــتـــى الـقــصــيــد أحـــــــسّ كــثــرّتـــه..//..والناس ماهي بـ/ أرض وماني بـ/ صيّب
لـكـن عــزاي إن مــن يـقـرى فــلا أجـبـرتـه..//..يـجـيـنـي بـطـيــب نــفــس ويـرتـحــل طــيّــب



بخاطركـ شي تقوله قبل اختم ؟

تبين عاد الصحيح وخلّـي الهـذره..//..ما عاد طعم الكـلام المـر يغرينـي
من غاب ما همني لو جاب لي عذره..//..بس أبتسم له كـأن الأمـر يعنينـي
من يومه أقفى شلعت الحب من جذره..//..ولا عاد أشوفه بعيني طاح من عيني




كلمة اخيره ..؟

ماودّكـ انغيب !



اترككمـ معه .. كل ما اتمناه ان يليق هاذا المتصفح بشاعرنا .. وبـ ابعاد الادب ..

لاعدمتكمـ

انتهى

 

[أمجاد محمد]

شذرة السيف
شكراً لكِ فكرة رائعة
استمتعناً كثيراً بـ الشاعر الراقي نواف التركي
امتعنا شعراً
شكراً لكِ

 

[حنان العصيمي]

ما أراه ليس بالغريبِ على شاعرة رقيقة
وشاعر أنيق
طوبى لأبعاد هذا الجمال

 

[صالح العرجان]

الله الله

إبداع يا حيي
تمنيت اكون بالمقعد الاول ولكن سبقني عكاشه

لي عوده مفعمه بجمال يليق بهذا الهتان

رد ود