عبور : بوابة العمر

[شيخه الجابري]

قراءة لصورة ناطقه



تدرين؟
مرّت سنين
وانتي وأنا متوالفين، متعايشين، متقاربين، متفاهمين
سنين
سنين أحبك
والهوى رمشٍ وعين
تدرين
كم كنت انا
أوْلَه وأجيك
أكسب ثواني من زمن لهفة
ْ حكيك
وتدرين أذكر إني يوم غبت عنك
وماعرفتي
وين كنت وْ وين، وين؟
راحت اللحظات والساعات
واللهفات .... والحنين
كنت أنتظر أن تسألين؟
وقبل أن تسألين
قطفت لك اوركيد وحزمة ياسمين
وأغنيه، مع أمنيه
وتفّاحتين
وجيت كلّي مرتبك
خوف وحزين
لاتزعلين!
وما زعلتي كنتي أجمل من سما
كان حضنك حلم، وعيوني ظما
كان صوتك سيل
وأحلامي مطر
ساعةْ هما
طارت عصافير الوله
متفرده
يشجي غناها
حلم أمس، وضحكتين
وتدرين إن السنين أجمل سنين
ما عشته بروحك ظما
وما عشتي لعمري ضنين
آدلّله، وآدلعه
وآموووت لو عني يغيب
أو يبتعد، وإلا يخيب
إحساسي ساعة جيّته
وشعوري لما يستكين؟
تدرين؟؟؟؟