السلام عليكم ورحمة الله وبركاته ..
حنين عظيم وكبير للمنتديات 💔 .. وليس لدي ما أقوله عن الغياب الطويل
تقبلوا هذا النص كما كُتب : )
أمرّ : بـ شعور .. مامرّيت به .. من قبل !
بـ آخر حدود التعب مرتاح .. بإنّي حزين
مرّيت في تجربة .. مامرّها إلا : الفشل !
وبالرغم من قسوة اللي .. مرّ : قلبي يلين
حبيبي اللي عطيته .. كلّ شيّ .. ورحل !
علّمني إنّ العطا .. ماهو خطا المخلصين
الشوق : ما يرحم المشتاق .. مهما ذبل !!
مادام : صوت الأغاني .. وجه فقد وحنين
للحين إسأل عن اللي .. من رحل ما سأل
اللي : نساني .. وأنا اللي أذكره كلّ حين
كنت أعتقد .. بإن مابعد المفارق : سهل !
إلين ماعشت بـ أصعب مرحلة : من سنين
ياما .. على صوته الخجلان .. أرتّب جمل
وأنا اللي أصلا مٓ أعرف آقول : لي كلمتين
ياما كتبته .. على الشاطئ ، وحبري رمل
حتّى : أنتثرنا .. مع رياح الجفا : عابرين
ياسيّد : الذكريات .. آحسّ فيني : خلل !
من كثر : ماحسّ بـ الوحدة .. مع العالمين
بـ الرغم من كثرة الإحباط .. عندي أمل !!
وبـ الرغم من شكّي برجعتْه : فيني يقين !
ألقاه .. بين : الأماني .. حلم .. ماقد كمل
ويمرّني مثل : ضحكة .. بسّ وجهي حزين
في كلّ ليل أنتظر .. رغم : الشعور إنخذل
الحبّ : مرّة .. لوٓ إنّ : الموت .. من مرّتين !
لو كان .. كثر إهتمامي .. حسّسه بـ الملل
فـ أنا أكثر إنسان ملّ يعيش بعده : لمين ؟
من العذر : ما خذل .. ومْن الجفا ما قتل !
أنا : تعبت أنكسر ..
متى : يموت الحنيييييييييييييييييييييييين ؟
وسلامتكم ..
أخوكم : عبادي الزهراني
آخر المشاركات
11-04-2018, 06:52 AM
متى يموت الحنين ؟
العرض الشجري