Appetizers

[غسان الحكيم]

(( طفولة ))


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
اسألي بعضك علي و اسألي بعض الشجون =
=رح يرد الحب فينا و اسكتي لا تقطعيه
،
قول يا احساسها .. كلمة مشاعرك بجنون =
=بادل احساسي حواره / قصته / لحظة نَعِـيه
،
لي متى و الذكرى تقتل كل ما يرجع يكون؟!! =
=لي متى كل ما مشيتي درب تجري ترجعيه !؟؟
،
وش عليه انك فشلتي و وش عليه إنه يخون =
=مو قضية تبتديني .. و مو قضية تودعيه
،
اسمعي برجع أحب اللي يرجعني حنون=
=و انتي لا حبيتي رجعه .. داوي الجرح و دَعِيــه
،
لو يثور الخوف عندك .. الأمان إنه يهون=
=لا لقى بي صدر اضمه و احضنه و اشكر سَعِيـه
،
المحبة ماهي حسبة .. يمكن و يمكن ظنون=
=المحبة هي يقيــن و لو خذل قلبك .. بعيـــه
،
و الله ياهي بكل بساطة ، الغزل في هالعيون=
=و الكلام اللي تعسل بالكذب قومي اردعيه
،
و اللا لحظة ردديني و اسألي بعض الشجون=
=رح يرد الشوق فينا و اسكتي لاااا تقطعيه [/POEM]


قايد القلوب


#-#-#














(( فحولة ))


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

ما كنت أَحَسْب ان الهوى يحتاج مني لأجوبه =
=كنت احْسِب اني لا سألت يجاوب بسمعا و طاعه
،
و اثر الهوى مثل النسيم إليا بغيت تلاعبه=
=ينساب ما بين الأصابع .. ودك بتلَّة ذراعه
،
ما يوصله غير الفكر و الذكرى و اللا التجربه=
=يسكن ورا راسك و مهما تلتفت غيَّر قناعه
،
عطه الأمان اللي يبي ، و ابعده عنك تقربه=
=ثم اشرب الصوت بشهيقك حتى يسمح لك سماعه
،
اطفي عيونك و ارتخي و لسان قلبك رطبه=
=ركِّز أحاسيسك هنا ما بين عينينك شفاعه
،
قل واحد اثنين و ثلاثه و عِد حتى تكسبه =
=يظهر لك بشبـيك لبــيك اطلب و لي استطاعه
،
لا تنشد اللي قد فقدته و انشد اللي تحسبه=
=يهواك يعشق من حروفك نبرتك / حس المجاعه
،
اسمعني يا مارد زمانك شوف غيري و دربه=
=الشاعر بصدري بغاك و جبتك تحرك يراعه
،
أما أنا مثل البحر و اللي يماري أكسبه=
=في غيبة شعوري شعر و بحضرة الحب يا ضياعه [/POEM]


غسان



#-#-#













(( كهولة ))



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

على شاطي سراب البيد تلقى بيتي المهجور=
=جفاه النوم من هاجر حبيبي .. وليه خلاني
،
أصارع وحدتي وحدي كأنّي كاسرٍ مكسور=
=شياهين السما تلعب و لي شاهين وحداني
،
خَبَرته بحري دربته و هابته السما و البور=
=و لكن كم حلف إنه بقايا طير إنساني
،
بكاني لا نزف دمعي وانا متوسد التنور=
=أفكر في مصير الدار من دونه و لا جاني
،
على هذا السفح كنّا نسابق بعضنا و الحور=
=تراقب حسنها الباهي و مذهوله وانا هاني
،
غديرٍ في فنا هالبيت يعكس من سناها النور=
=سألني عقب ما قد جفّ وينه ناسي عنواني
،
و حتى المزنه يا خلّي بكتني دم بكت هالجور=
=سوادٍ صابها من هم سهًرْرْرْرْها على شاني
،
سمعت الرعد به شهقه ، من المكتوب و المقدور=
=و شفت البرق به لمعه مثل دمعات هيماني
،
أفتّش في وساداتي بقايا شعرها المنثور=
=و اداعب ليلها بإيدي حنين لصبحها الحاني
،
أعقدها و أحرقها انادي الجن يا شخرور =
=عسى الصدفه تحالفني بسحر و فعل شيطاني
،
و رحت أنهار بحضان الوسايد أطلبه مسحور=
=أبي نظره أبي كلمه تناساني تناساني
،
يفز القلب لا شافك و يجفل كنّه العصفور=
=إذا صابه سهم غادر و يبكي وين جنحاني
،
صحيح الموت له لذّه ، إذا كان الزمن مغرور=
=ترفّع عن مآسينا و خلّى ناس تنهاني
،
و هذا الشطر لعيونك رح أكتبه مشطور =
=بحور الشعر تتغير محيطك فوق الاوزاني
،
و لن تجزم لجل عينك فعل برموشكم مجرور=
=ولو حرف التمني صار حرف احساس يعصاني
،
صدقتي كوكب المشرق اذا غنيتي بحلى بحور =
=زمان الوصل رح يرجع اذا انعاد الزمن ثاني[/POEM]


غسان الحكيم