المرقب المرقوب

[خالد الظويفري]

السلام على الكرام

لمن أرسل إلي دعوه لمنتداي أبعاد , هل يدعى المرء إلى بيته وأهله , على كل حال
الحقيقه أني أكره االمقدمات العبثيه ولكن هنا لابد من كلمة صدق أبدأ بها ..
قد يكون الغياب جبرًا أحيانا ولكن الحضور جبرًا دائما لجسر التواصل بين الأحبه , هذا الحضور هو ..
( لأبعاد أدبيه ) وللأحبه بها وردًا على الدعوه الكريمه و( الحب العيد ) ومن سبق ذكرهم ( سليمان الساني ) و ( عبدالمعطي البدراني ) و (عاطف الحربي) و ( راكان المطيري )



يامســاء السـت وســوال تحـلا ..
في جــواب بيـن ( لا ) وبيـن ( إيه )

( هو صحيح ان الهوى غـلاب ) .. والا
( حب أيه اللي انت جاي تقول عليه ) ؟!

اللي اعْـرف ماحـدن يختــار خلا ..
ولا حـدن يجبر على احدن مايبـيـه !

بس كيــف اللي تخــلا مايخــلا ؟
حتى لو بيـن العـرب ماله شبيــه !

إن يكـن بالحـب عيـب .. ليس إلا ..
أنـه بالشـوق يقــصي / واصليــه !















من المكتـوب قريت ان الهجـر ماهو من المكتـوب
وعجزت اقـرا ياكيـف احباب ولكن ماغـدوا احباب

اثر بعض القلوب ف بعض خلــق الله ماهيب قلوب
واثر بعض الوفـا خاين واثر بعض الصـدق كـذاب

أنا مالي ومـال اللي في عيـن النـافـر الرعبـوب
عشان اركض ولا اوصل غير لجـرحٍ طاغي ٍ مغتاب

في كل ليـله أعدي مرقب السْهر آتشـاوف صـوب
صبـاح آخـر لقانا يمكن القـابه طيــور عتـاب

وامر الليل تلو الليـل في هالمـرقب المرقـوب
واهد شيهانـة الشعـر وتجي ماصـادت الا غيـاب

قسم باللي خلق هالشمس.. بين شروق وبين غروب
أنا اللي قلت للشمـس انطفي عنـدي قمـر شبـاب

حسبت لكل شي حسـاب وقلت الهجر مو محسـوب
لقيت الهجـر يصدمني بحسـابٍ مابعـده حسـاب

يقـولـون العـرب دايم فلا تبكي على المسكـوب
واقـول ان العـرب دايم فلا تبكي لغيـر احبـاب

وانا يالشعْـر رجـالٍ أشـوم ارخص غلا محبوب
أنا اللي ف الهـوى غالب مدام ان الهـوى غـلاب

قصيـدي مابقى للحـب عتــاب ٍ يوفي المطلوب
ياكــود اني تعلمت ابعيــونه .. أرفـع السباب

قصيـدي لاتمـوت بجوع بين الطوب والمعطوب
قصيـدي عيـش مادامـه نبت لك مخلبين وناب

أنا اللي ماسكت الا عقب صار الحكي عـذروب
وانا اللي ماحكيت الا عقب صار السكوت صواب

أنا اللي ماكذبت الا عشـان اعــدل المقـلوب
أنا اكذب شاعرٍ صادق .. ولاني شاعـر كـذاب

لأن ذنوبي حسْناتي عجـزت عن البياض آتـوب
لأن الطيــب مفتـاحي تعبت ولكـت الابـواب

لأن اصحابي ظروفي قليـل اللي بصفاه ينــوب !
لأن احبابي جروحي عجـزت استطعم الاطبـاب !

ألا يالله كـان اللي قهـرني في هــواي ذنــوب
تعافيني بهـوى يقهـر عـداي ويفرح الاصحـاب









فقط لاضير

 

[فيصل الحلبوص]

خالد السعيد



الشعر يُقدِمكْ


قلب يلفظ كُل شيء يحاول أن يجد له موطيء يخدش بياضه


طيور عتاب تدُس بين أجنحتها [ عتاب أحباب ]



يقـولـون العـرب دايم فلا تبكي على المسكـوب
ـــــــ واقـول ان العـرب دايم فلا تبكي لغيـر احبـاب





هذا البيت يُحرض على الغرق


بـ قلبي قرأتك




ودي لك

 

[سالم الصاطي]

اثر بعض القلوب ف بعض خلق الله ما هيب قلوب
واثر بعض الوفاء خاين واثر بعض الصدق كذاب


جميل جدااا


تكفيني هذه القطر من بحرك الشعري


صح لسانك

تحياتي اخوي خالد السعيد

 

[قايـد الحربي]

خالد السعيد
ـــــــــــــ
* * *



وَ بعْدَ الغيَابِ ، يَأتِي بالشّعرِ ..
وَ هُوَ لا يأتيْ إلاّ بهِ - دَائمَاً - ،

خالد السعيد :
أبعَادُ بيْتكَ السّائلُ عَن غِيابِكَ حدّ العَتب ،
وَ مَا حضُوركَ إلاّ وَاجبُ التّرحيْب وَ الشّكر .

:

كَم نحنُ سُعدَاء بكَ .

 

[محمد السالم]

خالد السعيد

ونحن سعداء بك وبهذا الشعر


فلك الشكر على هذه الطلة المثخنة بالشعر والشاعرية

 

[خالد الظويفري]

فيصل الحلبوص
لأن قلبك يقرأ البياض جيدًا , فهو ينبض بما دونته يمينك البيضاء
والغرق معك بصدق يحرض على الشموخ
شكرًا كما لو كنت لم أشكر أحدًا قبلك ..
( دخيلك ) سلم لي على قلبك يافيصل

 

[ناصر بن حسين]

/
\





كالـ صبح أنت !
كالـ صبح أنت !
كالـ صبح أنت !

 

[سعيد الموسى]

خالد السعيد



نتنفسك هنا شعر ونزفرك تراجيد ترتيلة ابداع لامتناهي



كتبت وصدقني كتبت الاختلاف المربك للعقول