تـأثيـرك قـــوي !

[بدر الحنيف]

::

طابت أوقاتكم جميعا ،،

لو قلت لك وجه الجفا .. يزعج خفوقٍ عاش فيه
ما قلت لك كيف النجم لاحب من صدق .. يهوي

من كان جرحه داخله ينزف .. وعاجز يشتكيه
بين الامل والصبر .. في جمر انتظاره منطوي

عينه على طبيب جرحه .. هو يجيه .. او مايجيه
يضحك على حاله ..بـ حاله .. والجفا ماهو سوي

اقولك ليه العناد؟! .. ولا اقول البعد ليه؟!
عشاني اعرف رقه اطباعك .. وفكرك مستوي

قـوي بـ تأثيرك .. وبعدك هم .. عنادك كريه
وانا ادري اني بين ذيك .. وذيك كني ملتوي

بالرغم من هذا .. ولا ادري ليه احس انك نزيه
يحضنك وجه الغيم .. والا الغيم لـ عيونك خوي

جيتي بــ ثورات الأنوثه .. عاقل بقلبٍ سفيه
لقا حضورك ساطيٍ بـ أقوى شعور ٍانثوي

والصبر وينة والتحمل من يبيعه .. واشتريه ؟!
خصوص من شخصيته .. لأعذب صفاتٍ تحتوي

يا أحلى شغب .. بين العناد وبين شيٍ فيه .. فيه
يرسم نضوج لـ تجربة فكرٍ .. بـ عقله مرتوي

بس الغياب بلا سبب .. ازعاج ماظن له شبيه
لـّـنـه على الضلع القصير .. يصير اشبه بالكوي

ابغا ابوح بـ سر خافي .. واعتراف ابصم عليه
ان الغلا يصير شر .. ان زاد في قلب بدوي

انتي حضورك غير ادري .. لكن غيابك كريه
بس بـ حضورك .. وبـ غيابك شفت .. تأثيرك قوي

مودتي للجميع ،،

 

[ميــرال]

اهلا بالشعر وباالحروف العذبه يابدر
قصيده كحضورك ممطره
كل التقدير

 

[صالح العجيمي]

انتي حضورك غير ادري .. لكن غيابك كريه
بس بـ حضورك .. وبـ غيابك شفت .. تأثيرك قوي


الرائع / بدر الحنيف ...

نص جميل جداً ... وقفله رائعه

سلم المِداد ....

 

[عبدالإله المالك]

يا بدر
هذه القصيدة تحتاج أقداح من القهوة عديدة وجلسة انفرادية

لتأمل كل هذا الزخم والحضور الشعري المتألق

دمت على الود نلتقي
وبعين الشعر نرتقي

 

[محمد علي الثوعي]

بدرحنيف
قصيدتك باذخة الجمال شكراًلك على هذا الزخم
الشعري / المختلف قرأت واستمتعت كثيراً
لله درك يارجل / التحايا والود/ لقلبك

 

[نادرة عبدالحي]

صحيح إن للشعر أهله
صحيح إن للكلمة ديار ووطن
صحيح إن للإلهام سيد وسيد كريم
وذات مساء سأعود مع بقرج قهوتي متل ما أتفضل الأخ عبد الإله
سلمت سلمت يا شاعر لا يتكرر

 

[أمجاد محمد]

الله عليك
قمه الجمال هذا النص
بحق أرتويت من هذا الجمال
شكرآ لك