المشهد الأول / ثروة الحزن - صوتيّة -

[خلف الكريّع]

السلام عليكم ورحمة الله وبركاته ..

محاولة أولى للتوغّل في قلوبكم ..

مع صادق امتناني لخالد العنزي على دعوته الحاتميّة ..



للحفظ :
http://up.almoso3h.com/uploading/alkure3.rm


احلامنا : وضح .. ودروب الامل : سمر وكواليح
والبوصله : خاينه ،، والليل : له عقدين ما نام !!

يالوجهه المستحيله ،، شرّدت قافلتي الريح
وحنا حفاة وطريقك كل ابوه اشواك والغام

استشوك / الورد - من زود البطا - وتحنظل / الشيح !!
واخاف يحداني الجوع افترس عذبات الاحلام ؟!

ان طحت - فال الله ولا فال حظي - كيف ابطيح ؟؟
واعدائي تربّصوا لي بالسكاكين وبالاقلام !!

وان صحت – فال الله ولا فال حزني – كيف ابصيح ؟؟
وانا وليَّ العيون الرمّل .. وبرقبتي ايتام !!

يا راحة البال وين القاك ؟؟ وآهاتي صواديح
والبارحه : قيض / والليله : شتات / وبكره : اوهام !

ويا سلوة الخاطر المتكدسة فيه التباريح
استعمرت روحي الآلآم .. يلعن جد الآلآم

اشتاق لك كثر ما يشتاق ( صالح ) ( للمراجيح )
كثر اشتياقه ( لاذان المغرب ) ان عشـّمته وصام

واشتاق لك كثر ما يشتاق ( جدي ) للتروايح
الله يطيّب ثرى قبره ويرحم ذيك الايام ..

واشتاق لك كثر ما تشتاق الايدي للمسابيح
وكثر اشتياق : العراق وشعبه ( السني ) ( لصدام )

صدري ( وجار ٍ) حرقه الجمر ، وضلوعي ( مراويح )
وانا اتنفـّس ( رماد ) عروقي اللي صارت ( ركام )

وشلون ما اغيب واطلال الأمل فيني مذابيح ؟؟
والحزن ساجد على صبح النوايا لابس حرام !!

لو ثروة الحزن محسوبه غديت من الطحاطيح !!
و لو للسهر بنك ما تستوعب ارصدتي به ارقام !!

يا ذا السهر لو نفاك الليل لعيون المصابيح ..
مادام منفاك باجفاني عليك الله ما تضام

كن الليالي : بنات الصبح / ورموشي : مراجيح
يتعلّقن في رموشي طيش ، ويمرجحهن غلام

هن يلعبن ، والغلام يموّل من اقصاه ويصيح :
تمرجحن يا بنات الصبح ابوكن ما بعد قام !!

عاثت بصبري ثقال همومي الشعث الكواديح
وانا - من الغبن – لو شقيت ( ثوب الستر ) ما اْنلام

ما عاد **رق معاي اوصل واذا ما وصلت بقريح
اهم شي استريح وطز بالشهره والاعلام

ماني بمحتاج تلميع الصحافه والتصاريح
اسمي لحاله يهزك يا صحافة عصر الاقزام

اخترت اكون ابتسامه تلثم افواه المجاريح
واخترت للشعر حرف ٍ ما يموت وبصمة ابهام




مع ودي "



خلف

 

[احلام]

خلف الكريع
صح ا للسانك عزيزي

قصيده جميله استمتعت بقراءتها

وبانتظار جديدك

فلا تحرمنا منه

تحية ود

 

[فلاح آل مخلص]

صح لسانك


اررررررررررررررررررررحب


شاعر بمعنى الكلمه

 

[خالد صالح الحربي]

.
.
لا..زلت..أصفّق..لهذه..الحرفنة..ياخلف..
وهذا..البحر..السحر..اللافت..للإنتباه..
أهلاً..بك..وبالشعر..الذي..جئت..به..
.
.

 

[صبــا الغامدي]

خلف الكريّع
خلف الشعر وروحه المرفرفه
خلف العذوبه
خلف الفن والحرفنه
بوجود خلف الكريّع فى أبعاد تتعطر متصفحات الشعر






هذا الشاعر ضوء يذبح العتمه
أهلا بك فى ابعاد

 

[خالد العنزي]

الغالي جداً
خلف الكريع
تأكد ان دعوتك الي هذا المنتدى , ماهي الا حباَ لشخصك الكريم
وشغفاً بقصائدك الباذخة الروعه

خلف الكريع هنيئاً لأبعاد وهنيئاً لنا بك

اخترت اكون ابتسامه تلثم افواه المجاريح
واخترت للشعر حرف ٍ ما يموت وبصمة ابهام

ويعلم الله انك رسمتها على وجهي لمجرد
قراءة اسمك هنا
شكراً
شكراً
شكراً
كما ينبغي لك
محبتي واحترامي واعجابي بكل مايخطه قلمك المضيء

 

[سطام الصعب]

كن الليالي : بنات الصبح / ورموشي : مراجيح
يتعلّقن في رموشي طيش ، ويمرجحهن غلام

هن يلعبن ، والغلام يموّل من اقصاه ويصيح :
تمرجحن يا بنات الصبح ابوكن ما بعد قام !!


نص
غارق بأجمل انواع الحزن
خلف
أنت وش أنت
محترف للشعر
عندك قدرة
مو طبيعية .!

فعلاً ومن كل عرق بقلبي اقول لك
صح لساانك

 

[هنادي المطيري]

\
/

ان طحت - فال الله ولا فال حظي - كيف ابطيح ؟؟
واعدائي تربّصوا لي بالسكاكين وبالاقلام !!

\
/

بيت اسقط من عيني الشي الكثير
لاهنــــــــت .. وصح لســانك بقدر ابداعك اللامنتهي
فعلاً .. توغلت في وجداننا بكل صدق

دمت ،