غربلة روح

[فهد الغبين]

يا غياب
الوقت
بحضور الغياب
ياحضور النور
بغياب الحضور

سولف الدنيا ..وغنيها معاي
من سواك
اليا يبعثرني عبث
ويكتب
إحساسي معاي
ويجعل الدنيا تدور
دور
دور
دور
ااه
منك
وااااه مني
يا مناي
كل ما تبدا
تدور
ياحضور النور
في نور
الغروب
وياغروب النور
بحضور
الغياب



ااه وش بيصير
لامنك رجعتي

وانتزعتي
كل عرق
من الخفوق

وثم
قلتي

فوق
فوق

وابتسم لك
واسالك


بالله قولي
كيف أفوق

كيف أفوق وانتي احساس القصيد
كيف افوق وانتي ..دمي بالوريد
كيف افوق وانتي ..احساسـي
الفريد
جاوبيني

قولي قولي
كيف


أفــ/ ــوق
جاويني
من سكن صمت الصحاري
وحل بانفاسه حريق
ومن كسر صمته
عذاب
وقال وينك
يا رفيق

يارفيق الحزن وينك
السعاده باب مفتوح
لحنينك
لمني تكفى ابيك
ما ابي احياء بلاك
انتي كل العمر ..كله
مره وحلوه ..ومره
البدايه منك ..كانت
والنهايه
من يديك تقول
سولف
من كسر صمته حنين
ومن بدا ..يكتب أنين
الا إنسان
بشعوره
عاشك با احلام ..نوره
دون ليل
وامتطى صهوة جواده
دون
خيل
ولا لقى ايه سوال
ينتضر ..لقيا ..إجابه
الا جابه

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كم سوال ٍ طاح ماوصل الإجابه=وكم إجابة عنست ترجي سوال
وكم غريب ٍ مل ..من صمت إغترابه=وانهمل من جبهته نور ..وظلال[/poem]

وكم وكم

عاش بك شخص
حزين
ولونك ..لون البنفسج
واندفن تحت التراب
ولا لقى أية

جواب
الا قولك
من بعد طول السنين

ممكن أعرف
إنت مين ..؟

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاكتبك الحزن دفتر ..ثم تلبسك الخشوع=لاتصلي فوق دفتر حزنك ..وتسجد عليه
المشاعر عزف نزف وحلم وشموع ودموع=والحظيظ اللي لحاله ..ينثر الورد بيديه
من زمان اول وانا ياصاح بي أحساس جوع=وانكسارتي على كوكب شموع من الوجيه
لين طحت ..وشفت في عيني معاناة القنوع=وصحت با على الصوت ليه..ياخي ليه ليه ليه[/poem]

وطاح صوت
وقال ب أعلى الصوت
ياخي تكفى
لا تصيح
ولا تطيح
وخلك اكبر
من أماني هالجموع
وارفض ارفض
لاتجي إنسان
قنــ / وع

ولا تطيح
مثل غيرك من رجال
طاحوا بحلم القناعه
ورددوا معهم عليك
ياخي ياخي


كن قنوع


[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]غربل الليل بالغربال ..واخذ الصباح=ليلك المر حالك ..وابحلاك إنحلك
ياهواي القديم ..وياقديم الجراح=أخرك.. كيف قلي ينتهي بـ أولك
من عرفتك واني اللي شاعرٍ بجتياح=كيف أجل ياحبيبي لو بغيت أجهلك
ناضر الوقت فيني كيف شد الرماح=يارماح المحبه ..ياحلو مقتلك
صاحبي ياحبيبي كل ماقلت صاح=صاح صدر الهواوي يانت خلي ملك
أنزع الروح تكفى ..بشعر ب ارتياح=مابقى بي ياقلبي غير قلبٍ هلك
منك شفت المحبة والشقاء والنياح=يانياح المحبه منك ..يا مهبلك
ماتروف بحروفٍ رفرفت بالجناح=مثل طير ٍ تحدر وانحدر ..واوصلك
بالنزيف المريف المتعب بلا سماح=بالسماح المخيف المترف بمنهلك
خيل ااه المشاعر لا اطلقتها الجماح=هو يباح المباح بلا ..لا اسالك
سولف الغيم عنك يوم فيك استراح=وقال كيف أثملك ..وانت ..بي مثملك
ياخي أفهم دخيلك ..ماتجي بالصياح=ما اسهلك وانت مابك اصعب الا اسهلك
يامذيب المشاعر بالنفس منْك فاح=ورد يائس ومنك ..مايأس ياملك
أفتح الروح طالع كيف صارت صفاح=وكل صفحة بروحي ..ترسمك ما اجملك[/poem]

 

[موزه عوض]

فهد الغبين

الشاعر الجميل

كم سعادتي وأنتَ هنا
تُحلق بأوتار القصيد
حيث نوارس الروح
وغربلة الشوق


صح لسانك شاعرنا الغبين

لا هنت ..

 

[فهد الغبين]

المشاركة الأصلية كتبت بواسطة ونــة ألــم

فهد الغبين

الشاعر الجميل

كم سعادتي وأنتَ هنا
تُحلق بأوتار القصيد
حيث نوارس الروح
وغربلة الشوق


صح لسانك شاعرنا الغبين

لا هنت ..

الراقية ونة الم

حضورك شرف لحرفي فشكرا لك

دمتي بود

 

[سمر بنت صالح]

:

فهد

أنا من ردد هنا ماأجملك وماأجمل حرفك

رائع بكل حالاتك

 

[ناصر حطاب الدهمشي]

لا كتبتك الحزن دفتر ..ثم تبلسك الخشوع
000000000000 لا تصلي فـوق دفتـر حزنـك وتسجـد عليـه

هذا البيت جبل / جبل / جبل من شعر.

النجم / فهد الغبين يا كثرك بعين الشعر و مُحبيه ..

الف صح قلبك

أخوك
0
0
ناصر الدهمشي

 

[عبدالعزيز محمد المالكي]

آه منك .!
تلوذ بِنا لـِ نتكئ بين قوسين النص ..
ونحلق بموسيقى الكلمات ..
ومقدرتك على تعطيل الأصابع عن الكتابة ..

 

[مرعي ونيس]

الغبين



الى السماء(كبد الخضيرا)

حلّق فقلوبنا أسراب تتبع الأجمل من التحليق


لله درك