للفرح ناسه وأهله ..

[منتهى القريش]

ويش فيك
ضاق صدرك بين ايديك؟
طيب اسمع ويش يقول ..
وانتبه له

هذا صوته
ولا صوتك؟
ولا ذي ضجة سكوتك؟

قوم غن
لا تسئ الظن في نبض الحزن
الوجع لك .. والفرح خله لـ أهله

ويش فيه همك
علمك معنى السكوت؟
داخلك تقدر تموت
ولا حدا مرك درى بك
كود ما ينفع عتابك
لا تصحي .. صوتك اللي
نام في زحمة حنينك
إنت وينك؟
نام جنب الجرح صاحي
واترك الجرح ابـ محله

امسك الشهقه بـ ايدينك
شوف عينك
السحابات اللي ابـ بسماها
جف ماها
ويش بلاها
اعتراها الحزن حتى
كنها إنسان متعب
في هجير القيض يمشي
وتتبع الحسرات ظله

ويش فيه دربك
من تعثر بك .. غدر بك
لا مدى يوسع حنينه
التبس شكه ابـ يقينه
وكل خطوه لك عليه
تلتفت رجفه وخوف
عميا يمكن ما تشوف
الدروب البيض الـ تمشي عليها
تنحسب غلطه وزله

عيش وحدك ..
كن معك واحيان ضدك
افتح ايدينك مواني للسلام
لا تنام
إلا والبسمه وساده
خذها عاده
يمكن تحس بأمان
انسى روحك
انسى ماضيك اللي كان
وحتى لو نبضك سأل
ويش حصل؟
اصحى قلبك .. يعترف له

ويش فيك ساكت
افتحه شباك صدرك
واطلق الزفرات يمكن
في المدى يرحل سكوته
كن حياته ولا موته
واسمعه لو راد يحكي .. انتبه له
وكون فاكر
الوجع لك ..
وللفرح ناسه وأهله ..

 

[بندر الصقر]

وللفرح ناسه وأهله يا منتهى ..

عيش وحدك ..
كن معك واحيان ضدك
افتح ايدينك مواني للسلام
لا تنام
إلا والبسمه وساده
خذها عاده
يمكن تحس بأمان
انسى روحك
انسى ماضيك اللي كان
وحتى لو نبضك سأل
ويش حصل؟
اصحى قلبك .. يعترف له

خذها عاده , يمكن تحس بأمان !!

كبيرة يا بنت القريش .

 

[خلف المهيلان]

لي عوده تليق بكما هنا مطر

 

[أمجد الدبيسي]

ويش فيك ساكت
افتحه شباك صدرك
واطلق الزفرات يمكن
في المدى يرحل سكوته
كن حياته ولا موته
واسمعه لو راد يحكي .. انتبه له
وكون فاكر
الوجع لك ..
وللفرح ناسه وأهله ..


الاحساس هنا كان جبار وصادق
والعزه تتخلل الحروف
مبدعه

 

[عبدالعزيز رشيد]

"والفرح خله لـ أهله"

مؤلمة فعلا!.
هذه الجملة هي الجوهرة التي تزيّن سلاسة كلماتك . استشعار هذه الجملة يدخلنا في درب من التفكير يشبه درب كلماتك.

 

[ظافر الهرمسي الهاجري]

صباحك شعر يا منتهى

مدري شـ كتب .. مدري شـ خلي

كل كلمة سطر وكل سطر شعر وكل شعر بحر

ـــ ليس بـ حبر القلم تكتب منتهى ... اظنها تكتب بحبر الإحساس

اجد نفسي دائما ً غارق في نصوصك لأنها فعلا ً مختلفة ، وليست نصوص باهتة اللون وعديمة المعنى

بل نصوصك مزركشة مطرزة ولها بريق يخطف اللب والفؤاد

هنيئا ً لنا بك يا ... منتهى

نرتوي من النص لنزداد عطشا ً وحبا ً لما هو قادم

صح فكرك في كل حالاته

 

[منتهى القريش]

المشاركة الأصلية كتبت بواسطة ظافر الهرمسي الهاجري

صباحك شعر يا منتهى

مدري شـ كتب .. مدري شـ خلي

كل كلمة سطر وكل سطر شعر وكل شعر بحر

ـــ ليس بـ حبر القلم تكتب منتهى ... اظنها تكتب بحبر الإحساس

اجد نفسي دائما ً غارق في نصوصك لأنها فعلا ً مختلفة ، وليست نصوص باهتة اللون وعديمة المعنى

بل نصوصك مزركشة مطرزة ولها بريق يخطف اللب والفؤاد

هنيئا ً لنا بك يا ... منتهى

نرتوي من النص لنزداد عطشا ً وحبا ً لما هو قادم

صح فكرك في كل حالاته

ظافر

وانت حيرتني وكرم حضورك خجلني ومو عارفه ايش اقول ..

كل تعابير الشكر ما راح تكفي ..

هنيئا لي أنا بقلوب كـ قلوبكم ..

ودي ووردي واحترامي ..

 

[وادرين]

ويش فيه دربك
من تعثر بك .. غدر بك
لا مدى يوسع حنينه
التبس شكه ابـ يقينه
وكل خطوه لك عليه
تلتفت رجفه وخوف
عميا يمكن ما تشوف
الدروب البيض الـ تمشي عليها
تنحسب غلطه وزله
/
\
\
منتهى... الشاعره المتألقه دائما

اخدتني حروفك الي المدى البعيد ابهرتني بجمالها
قراتها اكثر من مره اعجبتني كثيرا

الصمت افضل في حضرت الجمال

دمتي بود

عمق الألم .... wadreen