مهيش فارقه

[ايمَــان حجازي]

ايام زمان
اكتب بالروج ع الحيطان
حروف الاولى من اسمى
مع اسمه ودى رسمه
كيبوبيد الغرام
والسهم وسط القلب
و كتاب قديم متساب
ف الدرج للذكرى
و الذنب كل الذنب
متعلق هناك بالقلب
ودبله لسه
مركونه ف
نفس الدرج
وسؤال مخنوق
بحبك ليه
سؤال مكتوب
بسن رصاص
على شجرة
لكن عيطت كأنى
كنت لسه هناك

وقلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير

انا عاشقة ومش فارقه
بخبي طيفه ف عنيه
واخبى دموعى ف المناديل
واخاف ل يلمحوه فيا
ولاد عمى
يشوفوا اسمه متخبى
ف كشكول سلك
لسه جديد
وورقه ورده دبلانه
ريحتها ف نوته المواعيد
انا تايهه ف وسط
الحيرة والتفكير
بصوت عالى بكيت
وضحكت
ولسه بيسألوا
ده له تفسير
قلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير
صحيح هو الهوى غلاب
مالوشى كبير
وياما ناس غنت
عليه مووايل
وكل ما يسألوا مالك
ردى تملى يبقى مفيش
اقول عادي
كلام فاضى
لكنه صمت

وشَكلكَ وانتَ بتقولى
مكنش يجوز تحبينى
وحشتينى

فى كل مكان لينا
ذكرى هنا وهناك
وقلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير

واسيب الراديو متوارب
على وردة
ولسه بيسألونى كتير
اقول عاشقه
مهيش فارقه

 

[كريم العفيدلي]

صحت أنفاسك العذبة....
نبض مترف وساحر
اقل مايقال ابداااااااع

 

[سيرين]

العامية المصرية لها رونق السحر كترنيمة ناي استظل بها النيل
حين تكون الخلوة مع هكذا حرف يسترجع بعضنا الذي يسكنهم
يكون لها الشكر مايرصيها واكثر
دام وهج حرفك بدعتنا ايمان حجازي ودام صوته يحاكينا بسلاسة الترف
راااااائعة واكثر
مودتي والياسمين

\..

 

[ايمَــان حجازي]

المشاركة الأصلية كتبت بواسطة سيرين

العامية المصرية لها رونق السحر كترنيمة ناي استظل بها النيل
حين تكون الخلوة مع هكذا حرف يسترجع بعضنا الذي يسكنهم
يكون لها الشكر مايرصيها واكثر
دام وهج حرفك بدعتنا ايمان حجازي ودام صوته يحاكينا بسلاسة الترف
راااااائعة واكثر
مودتي والياسمين

\..

القديرة / سرين الوطن دمتى حرف سماواته تعلو السماء
ويسمو فوقها ومصريتنا كون كامل لا نقصان فيه
ود لا يبور سرين 🌹

 

[ايمَــان حجازي]

المشاركة الأصلية كتبت بواسطة كريم العفيدلي

صحت أنفاسك العذبة....
نبض مترف وساحر
اقل مايقال ابداااااااع

مرور كالعبق فاضلى
لا حرمتك سحر حروفك
ود وعميق امتنان 🌹

 

[نذير الصبري]

نفسي اكتبك في كل زمان
قبل اللي كان
كنا بلا روح نحاور في المكان
سارنا بعيد شفنا كثير
وبين الزحام
كنا ننام
تتعب خطنا كلما جرينا بالحنان
وتفر احلام كانت معنا
تشتهي ذات الامان
خفنا من الغد ليكون بلا طعم
في اللقاء او حزن الخصام
عدنا نفتش عل البقايا لا تنام
جدنا مع الحب الكثير
وصارنا من الحزن نختفي
بين اللئام
وسوط الاماني يجلد في
الايام دون الغرام
وانت بلا وعد اتيت
حتي التقينا في وئام

 

[رشا عرابي]

يااااه يا إيمان

وأقول عاشقة....

اعتراف يسوق الأعذار ويتقبلها رغم عنفوانه
مااااا أحلاكي يا روح

 

[ايمَــان حجازي]

المشاركة الأصلية كتبت بواسطة رشا عرابي

يااااه يا إيمان

وأقول عاشقة....

اعتراف يسوق الأعذار ويتقبلها رغم عنفوانه
مااااا أحلاكي يا روح

سندريلا الابعاد رشا حروفك كأجنحة الحب
لا حصر لها تَفتح نوافذ القلب وتَرتقى الحنايا
حقا ايا جميلتى لا تدرين عمق النقش
الذى يُحدثه فى ارواحنا

ود لا يبور
ايا سندريلا 🌹