تـدري عـلى كـثر المـعارك بين شمـر وعنزة ؟؟

[محمد أبوالروس]

السلام عليكم ورحمة الله وبركاته
الصراحه تشرفت بالدعوة للإنظمام معكم في ( محلي )
مصافحة من البدايات ولكن لها في قلبي مكانه كبيرة




أتمنى لها ولو ربع القبول في قلوبكم

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إن كانها باللعوزة ببدي معك باللعوزة =....... ياعمي صاحيلك أنا ولا إنت فاريك الفري
ماكن صورت غرتك في ناظري متمركزة =....... يا مساوم البياع في رزقه ولا إنت بمشتري
وغاليك مفنيه الضمى والجرح دايم ينغزة=........ ولا أنت سايح في مصر والضيم هاريني هري
تـاسع شهر ماشفت منك شي أنا أعتبرة جزى=....... غير التشره بإتصالك يابري حالي بري
ياخي ترى ذبحتني بكثر العتب والنرفزة=....... وزود الشكاوي والتهم ومعانق طعون ظهري
وإن كان ندك بالمشاكل لا تسويها عزا =....... بضرب مثل وإنت بذكائك ترجمه لا تفتري
تدري على كثر المعارك بين شمر وعنزة =....... مافيه خوة صادقه مثل عنزي والشمري
أبوس راسك إنتبه وإفهم معاني الموجزة=....... جالس أكلم لي عرب ماني أكلم بربري
خابرك طيب تفتهم واعي وعلمك أبرزة =...... يعني مربى عالسنع عاقل ولا إنت بسرسري
ولا عشاني بس أنا طيب موازيني وزى ؟؟=..... عالشعر والليل الطويل وجرحي اللي مابري
وإن كانها باللعوزة مالي ومال اللعوزة=...... أنا ذبحني الجرح منك وإنت فاريك الفري[/POEM]

وسلامتكم

 

[عبدالله الصقري]

صح لسانك اخوي ابو الروس

كلمات بمنتقى الحيويه والقوه فلله درك على العبارات الموجزه

دمت ودام تواصلك العزيز

 

[طلال العنزي]

الشاعر الكبير / محمد أبو الروس


لاهنت على ماتقدم

ومهما كتبنا عن جمال هذه الأبيات

لاناصل الى مافي خواطرنا


رائعه

قصيده ناجه بكل المقاييس




اخوك
طلال العنزي

 

[عيد الحواشيش]

"
"

محمد




لك الله




كم أنت رائع

 

[خالد العنزي]

الأخ محمد ابو الروس
رائع كما تعودنا منك دائما
تقبل من اخوك فائق التقدير والأحترام

 

[سطام الصعب]

محمد








ابوس روح الطيب اللي فيك

حيّاك الله يا بعد عين مغليك


والقصيدة

يعلم الله انّي منتظرها منذو مبطي
من اوّل ماقريتها بتوقيعك بحدى هالمنتديات

تدري يا محمد
أنت
غـيـــــــر

وربّي غير
ولاهي بمجامله






همسهـ,,

متى الشوفه .؟

 

[سعد سيف]

محمد ابو الروس

نص يعانق السحاب

لك اجمل التحايا

 

[عبدالله ثويني المانع]

..

الأخ الفاضل ... محمد ابو الروس

أبدعت في صياغة النص بشكل أظهره في قمة الجمال
معاني قوية .. ألفاظ واضحة .. أفكار متجددة ..
خيال مبهر قادر على رسم الصورة الشعرية اللافتة للعقل والقلب
..

تدري علـى كثـر المعـارك بيـن شمـر وعنـزة
....... مافيه خوة صادقه مثـل عنـزي والشمـري

لله درك من شاعر
وتدري يا أخي محمد أني سعيد جداً بمعرفتي لك
وقرائتك من خلال هذا النص فائق الجمال............
شكرا لك ولأبعاد أدبية التي جمعتنا بك
انتظر جديدك بكل شوق

أرق التحايا لقلبك
..
عبدالله المانع