تعال وأضحك حييييييييل ............ يابو دلامه !!!!

[فهد عواد]

مساكم / صبحكم الله بالخير

متواضعة من القديم الجديد

[POEM="font="Traditional Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعم .. يالعياااار .. يابـو دلامـه..=ليتك تعيش تشاهد أوضاعنا الحيـن
تضحك علينـا ليـن يـوم القيامـه=صاحين ... لكن عدنـا مستلجيـن
نركض ورى الدنيا ركيـض النعامـه=وعند الشدايد ندفن الـراس بالطيـن
لاقلت مسلم .. قيـل يعنـي أسامـه=أصبح أسامه رمز يوصف بـه الديـن
هم مـادرو بأنّـا وصلنـا الرخامـه=أخبارنا صـارت سخافـة عناويـن
( التوت .. يغتال الكرز في منامـه )=( صياف شن الحرب مع تركي الفين )
( بسكال تسرق لحن .. راغب علامه)=فاصل غنائـي ... آه ياليـل ياعيـن
نعود للموجـز ... نقـول بختامـه=هذا خبر عاجل ورد مـن فلسطيـن
الدوخي يعلـن للهلال انظمامـه ..=.....عفواً خبرنا صار مومن فلسطين!!
شكراً .. لكل واحد عطانا اهتمامـه=نعود معكم لأغنيـة .. ليـل ياعيـن
..................................
شفتو شكثر هالغرب يخطيء كلامـه=شفتو شكثر حنا غدينـا سخيفيـن
شفتو شكثر قاسي علينـا اتهامـه ..=يحسبنا كل ليله سهـارى مصليـن!!
مايدري انا حـول (فاتـن حمامـه)=نوصف جمال عيونهـا .. والفساتيـن
ولاهي غريبه .. قبلنا أهـل العمامـه=شيابنـا بغمـزة ( سميـرا ) موليـن
أريـام .. أم الغنـج .. والإبتسامـه=صارت قضيـه مشغلـه هالملاييـن
تدرون عاد ... المشكله مـو اسامـه=ولاهو اعجـاب العـرب بالمغنيـن
المشكله أكبـر وأكثـر .. ضخامـه=المشكلـه ... حنـا بليـا مضاميـن
أرخص ماعند اليعربـي .. إحترامـه=قلي شلون أعطيك الاثبات هالحيـن
عطه ( الطراق ) .. يقول حب وكرامه=ثنّ (الطراق ) .. يقول أهلين وسهلين
وتقول لي ( بغداد ) راحـت ندامـه=ياخيّ جاني علمها عـام ( تسعيـن )
ماهي غريبـه لافقدنـا الزعامـه ..=بس المصيبه نفخر بحـرب .. حطيـن
بعنا الكرامه .. وأشترينـا السلامـه=نبي نفوز بشي .. فزنـا بـولا شيـن
هم وهمونا أن السـلام ( الحمامـه )=صرنا حمايم .. بس صـارو شياهيـن
يكـادو هالإنسـان يفجـر أمامَـه=من كثر مايسأل .. متى نوفي الدين؟!
تظهـر علامـه .. وأتخفـى علامـه=ملايكه تقفـي .. وتقبـل شياطيـن
ومن قال لك توه ... زمـان القيامـه=قله : طريق الشام .. سووه سيديـن
[/POEM]

..............................................

فهد عواد

 

[عبدالله ثويني المانع]

..

فهد عواد .. أهلاً وسهلاً بك في أبعاد أدبية
يسعدني تواجدك هنا ..

..

قوي هذا النص .. إستدعاء تلك الشخصية المعروفة بالطرافة والذكاء
ذكاء منك .. فقد صغته بأسلوب النقد الساخر .. وأبو دلامه حضر
في مكانه الأمثل ..

فهد كل الشكر والتقدير لك .. ويسعدنا تواصلك وتفاعلك

أرق التحايا لقلبك

..

 

[مشعل ذباح]

بالفعل هذا هو وضعنا الآن ..


فهد عواد .. إسلوبك جدا جميل وراقي ..


صح لسانك

 

[سعود المتعب]

فهد عواد

أهلا بك في أبعاد

نص رائع ويلامس الجروح

دمت بهذا الرقي

احترامي

 

[عبدالله العويمر]

التوت .. يغتال الكرز فـي منامـه )
( صياف شن الحرب مع تركي الفين )


فهد











متابعتي

 

[صالح الثبيتي]

هم وهمونا أن السـلام ( الحمامـه )
صرنا حمايم .. بـس صـارو شياهيـن
يكـادو هالإنسـان يفجـر أمامَـه
من كثر مايسأل .. متى نوفي الديـن؟!
تظهـر علامـه .. وأتخفـى علامـه
ملايكه تقفـي .. وتقبـل شياطيـن
ومن قال لك توه ... زمـان القيامـه
قله : طريق الشام .. سـووه سيديـن


فهد عواد

صح لسانك على ها الرائعه بحق حالة يرثا لها

ازاد منتدى ابعاد بنور حضورك نور


تحياتي لقلبك الندي بالعطر ...


صالح الثبيتي

 

[جود الرباط]

تظهـر علامـه .. وأتخفـى علامـه
ملايكه تقفـي .. وتقبـل شياطيـن
ومن قال لك توه ... زمـان القيامـه
قله : طريق الشام .. سـووه سيديـن


لله درك ملاييين

بحق ابدعت في سبك هذه الفارهة

دمت برغد وخير

 

[سعد مسهوج]

ابو عواد يالله حييييييييييييييييييييييييييييه


هلا وغلا وهذه الساعه المباركة حياك بين اخوانك يابعدي وتسلم على الرائعه التي استمتعت بها من قبل ...



لك القلب

اخوك سعد