دعوه ......لحفلة .... (حزن)

نواف التركي · 09-06-2006, 01:08 PM

.

.

.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صاحبي ليه ظايق بالمكان الفسيـح =تنثر الحـزن ماكنّك قريّب فـرج

صاحبي صاحبي ما فـ الزمن مستريـح =السماء ذكريات القلب فيهـا عـرج

كل مادقّ باب القلب قلبٍ جريـح =رحت أفتّح جروحي علّهـا تنفـرج

كم تعبنا ولكن ماعرفنا الصحيـح =وكم هوينا الصعـود ولا لقينـا درج

أكثر قلوب الأحياء بالعطايا شحيح =وأكرم الحزن دمع العين لا مـن درج

كل ما طاح نجمٍ رحت أحفر الضريح =لين ماعاد باقي فالسماء مـن سـرُج

سولف الحزن وأيقض كل قلبٍ مريح =عن بقايا عذابـك حدّث و لا حـرج

لأني أظن ماظـاق بمكـانٍ فسيـح =غير قلبٍ مثل قلبـي بعيـد الفـرج [/POEM]

.

.

.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

هالليل موحش بدون أحباب لكنّـي=أمسح غبار الغياب بدمعـة أحداقـي

وأروح أخيّط فتوق الذاكـره لأنّـي=أخاف برد الغيـاب يطفّـي أشواقـي

أحاول أفرح مثل هـالنـاس وأغنّـي=لو أكثر الحزن ينبت داخـل أوراقـي

مو ذنبي أن الدروب السـود ودنّـي=يا آخر بقايا الغرام بـداخل أعماقـي

لولا الغلا ماقطعـت البعـد متعنّـي=ولا زبنتك أليا من الفضـاء ظاااقـي

شفني زبنتك / كفوف الوقت تطعنّـي=حبيس حزني عسى بيدينك أطلاقـي

يا آخر ملاذ الغريب أن خاب بك ضنّي=ماعاد لي رغبةٍ فـي عمـري الباقـي

هالليل كنّه خذى بعض الحـزن منّـي=عزّوا عليّ الوصال وشمت بـفراقـي [/POEM]

.

.

.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا فيصل أن مات هذا الحرف وزّعني=للريح تأخذ شتات العمـر وأحزانـي

ولا تسأل الحبر هذا النزف وشـ/يعني=لو يعرف الصدق ما خلاّهم وجانـي

مرّات أحسه أذا ما غبـت ياسعنـي=ومرّات أحس الغياب يهدّ وجدانـي

كم صحت له يا خوي الحزن ودّعني=وكم صاح لي وين ما ترحل بـتلقاني

ياما سرى بي على التفكير وأودعنـي=سجين بين الحنين وطـول حرمانـي [/POEM]

**خالد صالح الحربي** · 09-06-2006, 01:28 PM

وهَل نُدعى إلا للحُزن هذه.. الأيّام..؟!
ولكن وبكل.. صدق حُزنُك المنثور.. شِعراً.. أبهجني..!
كعادتك.. لا تأتي.. إلا جميلاً.. يانوّاف..
فشكراً كثيراً لكَ عليك.

جود الرباط · 09-06-2006, 01:28 PM

1
حجز مقعد وقراءة متأنية
مودة

العـنود ناصر بن حميد · 09-06-2006, 03:27 PM

.
.

الرجاء

" الحضور بالملابس الرسمية "

.
.

كم تعبنا ولكن ماعرفنا الصحيـح

وكم هوينا الصعود ولا لقينـا درج

.
.

أكثر قلوب الأحياء بالعطايا شحيح

وأكرم الحزن دمع العين لا من درج

.
.

كل ما طاح نجمٍ رحت أحفر الضريح

لين ماعاد باقي فالسماء من سـرُج

.
.

نواف التركي

أهي حفلة .. للحزن

أم لتأبين القـلوب التي أنهكها التعب ؟!

حرفك يصل لعمق القـلب

ويستكين

دمت رائع كعادتك

شاعر البدر · 09-06-2006, 03:51 PM

كالعاده...أجد نوّاف يكتبْ شئ مُختلفْ
نواف..جميل أنت
دمْت ..كما تُحب

نواف التركي · 09-07-2006, 02:08 PM

اقتباس:

المشاركة الأصلية كتبت بواسطة خالد صالح الحربي

وهَل نُدعى إلا للحُزن هذه.. الأيّام..؟!
ولكن وبكل.. صدق حُزنُك المنثور.. شِعراً.. أبهجني..!
كعادتك.. لا تأتي.. إلا جميلاً.. يانوّاف..
فشكراً كثيراً لكَ عليك.

خالد

ألف شكر لنبضك هنا

دمت بخير