إنسانية

[ثامر الحمدان]

:

حاول تكون انسان روحك تسيرك
… وانك على انْسانيّتك قلبك يسير

وكل ما اصطدمت بشي ممكن يكسرك
… حاول تسوي من الزوايا دواوير

وإن مرتك ريح وخايف تطيرك
… تكفى تذكر انك انسان ما تطير

اللي يتغير منك ممكن يغيرك
… وتكون غير لشخص مع شخص لك غير

أقهرك بالله ليه روحي تسكرك
… وكل ما يلفك حزن طارت عصافير

روحك عبارة عن كثافة تبخرك
… صوتك يخف فكرتك كتله تصير

غلطة وجودك كان محد يعبرك
… دام الوجود أحيان يحتاج تبرير

لا صرت ما تقدر تعامل مع اكثرك
… صعبه تغرد خارج السرب يا طير

اصحاب مرو وانت محد يبررك
… يعني يجوز إن مالك بشي تأثير

شعرك مجرد شخص جالس يبذرك
… خايف تجمل روحك بصمتك الغير

نصف الكلام اللي تقوله : يطهرك
… يا قس هذا الروح حزني غدى دير

الناس ناموا وانت روحك تسهرك
… حاول تنام وقول أصبح على خير

🌹

 

[عبدالله بن سمير الحربي]

ثامر الحمدان

ياهلا وغلا

وحياك الله

شعر راقي في هذا المتصفح

صح لسنك

لاهنت

 

[ناصر بن حسين]

/
\




2



وفي يدي أكاليل لقلبك

 

[سَحَر]

ثامر الحمدان

واصبح على خير يا [ خير ]


أصابعك إنسانية وكثير

 

[عياد القحيم]

هنا


تقاطعت الطرق أمامي

واخترت أن ابحر ... ابحر
ابحر
ابحر
بحر
حر
ر

لي عودة أخرى عندما أرجع من ( الغبة )

قصيدة تحتاح إلى ( غرق )


أستاذ ياثامر أستاذ

 

[فيصل الباهلي]

فلسفة راااااائعة





اللي يتغير منك ممكن يغيرك
. . . . وتكون غير لشخص مع شخص لك غير







ما أروع هذا البيت




وهذا وقع كثير


وهنا وجدت ترجمانه










ما أروعك ياثامر






أشكرك

 

[عبدالله الراشد]

ثامر


صح بوحك



سعدت بالمرور هنا

 

[ثامر الحمدان]

عبدالله الحربي :


هلا وغلا فيك


وشكرا لك