[ .. غـن لا ضاقت عليك الوسيعه غـن .. ] .. !!

[صالح العرجان]

يالـوعه الـمـشـتاق تصفق كـفـوفــه
لين الـتـفـت مـاشـاف بالـدار غــالــيه

كـن الـعـيون بكل شــيــن محذوفـــه
والـقـلب كـن جموع الأيام تـرمـيـه

تسابقـنــي من زمــاني ســيوفــه
تــجــرح مــرادي في حـياتي وترمــيه

ياعـونـه الرحـمـن ويـن الـنكـوفـه
لـيـن انـتـحي الـخـفاق وش عـاد يثنيه

مارحت ادورعـــنـد خــلى مـروفـــه
مــايرحــم الا الله فــلا شـك مـغـلـيـه

 

[صالح العرجان]

تعالي وأرقصي حدر الضلوع وغنّـي المـوال
على قبرالغرام اللي قضى في زحمة أهوالـه!!


تعالي وش بقى غير الندم وأرجوحة ألأطـلال
وشايب طاح من كثر التجافي وانعثـر فالـه!!

 

[فيصل الحلبوص]

تدري الضمى ما هو ضمى ريقً تبلله المياه
ــــ أعطيك معناة الضمى في معجمي هو [ غيبتك ]

 

[حنان العصيمي]

الشوق مثل السّـيف ابو حدّين
يـآ إنّـك الــنّآجي أو الهـآلك

بـنهآيته يـبري حدى الثّـنـتين
إمّـآ بـرى عـلــّتك .. أو حآلك

 

[صالح العرجان]

هومادرى اني في غيابه محاتيه
ليته نشّدعن حالي اللي يجونه

 

[صالح العرجان]

هلابك وين مالقيـت وجهـك والغـلا مدهـال
هلا بك والخفوق اللي يهلي صـرت مدهالـه!!

أبيك العيد في وجه اليتامـا والسنيـن أطفـال
أبيك الصبح في وجه الفقير أن حقـق آمالـه!!

تعبت أتبع هوى نفسي وادور يالشموس أظـلال
وصلت آخر مداي اللي نصيته واصبحت عاله!!

حملت جروح خلاني وصاروا في حشاي عيال
ألا يالعنبو جـرح الخليـل وقسـوة عيالـه!!

على حالي وأنا مدري على أي حال ذاك الحال
على حله وترحالـه وكلـن راح فـي حالـه!!

حبيبي..زادني قربك من جنون القصيـد هبـال
فداك الشعريـاأول جنونـي وآخـر هبالـه!!

تعال أنثر طوارف ليلك المغري وفـل الشـال
أبي تروي ظماي اللي تعبت أطرد ورى لاله!!

 

[حنان العصيمي]

قال بسأل ( أيش معناة القراده؟ )
وقلت يعني ! اااممم بضرب أمثله!!

أنا لو حطيت راسي عالوساده
يكثر الهوجاس وتثور اسأله!!

(يعني أنا ناقصه هم ونكاده)!
(ولاّ قلبي لو قدرت آبدّله)؟!

ليتني اخترت حبي في ركاده
ماتهوّرت وشريتك مشكله!

(القراده) اني حبيتك زياده
وحظ طايح انت وحدك تجهله

القراده آآه يامعنى القراده
مرتبط دايم بمفهوم ( عجله )!!

 

[صالح العرجان]

سخيفه فكرة الفرقا وأسخف حييييل نسيانـك
تصورت الجفا لعبـه وابلعبهـا بميدانـك!!!!

هزمني عشقي الصادق وملك هالقاف شيطانك
أنا ما عاد يعنيني وجـودي وسـط شريانـك