ــــــــــ .. ( سكة حديد ) .. ــــــــــ

[فهد الأغبري]

ما للبكا ( ذكريات ) تحب الاوراق
دامه ترك لي غياب // وصار قلبي وحيد

من يوم م (الطير) عانق صدر الآفاق
وانا أدوّر إجابة ! // ليه سافر بعيد ؟؟

تايه .. ( بنفس الطريق ) .. ومعطفي ضاق
وامشي .. وهمس الظلام يقول لي : ما تحيد

غمضت // ألملم ( طيوفك ) بين الأحداق
وأفرش ( ضلوعي ) عشان الحلم .. سكة حديد

والحلم // لوّح يدينه بكلمة ( فراق )
وانا على ساحل الذكرى .. اجرّ القصيد

اكتب غيابك _ واشوف ( الوجد ) ينساق
العمر ينقص // ولكن ( عمر جرحي ) يزيد

خاويت ( عزفي الحزين ) بدرب .. عشاق
واحس ما غير ( ذكرك ) في لساني نشيد

يا أجمل // إنسان // مر بطيبة أخلاق
عطني حضورك ..// وأنا فدوه .. خذ اللي تريد

من قبل " صيف الحزن " والدمع حرّاق
اتخيلك يوم ( تحكي ) والزوايا جليد

واتذكرك .. يوم أناظر " شمس" الإشراق
يا صبح شاعر // تعلم منك ( درب الجديد )

مهما عزفت الشعور " ألحان " // ما لاق
إلى متى الناي في صدري بهمه يعيد ؟؟

مالي سوى الذكريات // وقلب خفّاق
وأشياءك اللي بقت // واسرار حلمٍ رغيد

وانا ذخرت الجروح ونزف الاعماق
إن كان صمتي يفيد // أو كان لا ما يفيد

من وين ابروي الظما ؟؟ والقلب ما ذاق
غير التعب // والعتب يسكب مداده ف إيد

حتى قصيدي ... نزفته " بصوت مشتاق "
واخاف أهل الدمع ويطيح " بيت القصيد "

واليوم !! طاحت حروف // وفاحت اشواق
تنثر ( رسالة عمر ) وتقول : عيدك سعيد

ما زلت احسك فرح عيدي // ولو ضاق
صدري // لقيتك مع اشعاري المجاريح عيد

 

[هـيـفـااللاّفـي]

والحلم // لوّح يدينه بكلمة ( فراق )
ــــ وانا على ساحل الذكرى .. اجرّ القصيد

,’
{.. فهد الأغبري
صباحاتك مورقه بالشعر ..

 

[ريانة العود]

هطول اول مشوق للجديد
صح لسانك

 

[خالد الداودي]

للابحار لديك ..شراع

ونحن هنا نشرع قلوبنا لإستقبالك ...

اهلا من القلب .. فهد

خ

 

[فهد الأغبري]

المشاركة الأصلية كتبت بواسطة هـيـفـااللاّفـي

والحلم // لوّح يدينه بكلمة ( فراق )
ــــ وانا على ساحل الذكرى .. اجرّ القصيد

,’
{.. فهد الأغبري
صباحاتك مورقه بالشعر ..

هيفا

دام نبضك شعر ..

 

[وديع الأحمدي]

فهد الأغبري

نص ماتع ..
يحتاج أنفاس وأنفاس لـ استيعاب روحه ..
جميل وأكثر ..
دمت بـ ود


تحاياي

 

[فهد الأغبري]

المشاركة الأصلية كتبت بواسطة ريوف

هطول اول مشوق للجديد
صح لسانك

صح بدنك ..

شكرا للمرور