حي الضمير

[سلطان عتيق الحربي]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
بعض العتب .. واللوم معاد يحتاج=والوضع ابلغ من علوم ومشاريه
على كثر ماقال ..ماشفت مخراج=او كلف الاحساس بالعذر من "ليه"؟!
او زيف شعوره .. لسلطان الاحراج=اهون .. ولا اللي قام ينضح بما فيه
لاراح راح .. ولا رجع ساق الافواج=باعذار تكشف .. والفعايل تعريه
جيته وهو هو .. والقصايد بالادراج=ماني في باله لا .. وللبعد مشقيه
ثم زاد بل الطين باسلوب منعاج=طالع بعينه واستدار بخطاويه
اقفا قوي العين مع ثايرٍ هاج=وانا الوحيد اللي يهده ويبنيه
اقفا وانا في داخلي كون وازعاج=ثارت براكينه وثارت معانيه
مايدري انه شخص عادي ولاداج=فيني ولاله بالهوى مايزكيه
من اول المشهد وانا اشوف الاخراج=ماحرك احساسي .. وانا أدرى بتاليه
اردى البشر .. له عرق من ساس الانتاج=يامبتلى .. ! او السبايب بلاويه
ماهمني والحرف لامثاله علاج=مانقصر بفعلٍ على الخير داعيه
اقولها والبحر ثاير بالامواج=متلاطم بمده وجزره يباريه
مهما وصل حده بتأمين وسياج=احرص من الزلات وابليس مخزيه
عن الخطا والاثم حراس وابراج=باحساس مؤمن خايف الله ويرجيه
والظاهر بخافي .. له النور وهاج=مامثّل بظاهر .. وخافي مغطيه
والحق ابلج .. ماتخفا ولا لاج=والعيب تعرف بالخوافي مواريه
هذا وفيني .. فايض الحرف هداج =باحساس تم .. وكمل شعور راعيه
حي الضمير .. ويجلد الذات كرباج=كنه على نار الثواني تصاليه
[/poem]

 

[بلقيس الرشيدي]

هَذَا المساء مُختلِف وبِحُضُورِ حرفِكَ أقبلَ الربِيع والغَيم والمَطر !
يِصح إحساسك ياسُلطَان ودامَ هَذَا الضِياء فِي سَماواتِ الأبعاد . أسعدكَ الله

 

[ساره عبدالمنعم]

حضور مبدع
احساس يلتمس
دواخلنا
دام المداد
دام وجودك وهنيئاً لنا بوجودك بيننا

 

[رشا عرابي]

قصيد تنطق بما للشعر من حكمة

أمتعت وأسعدت وأرويت الذائقة يا أخي

دام اليراع غماما سكبها إمتاع

بوركت
وجوريات عاطرة

 

[عبدالله العتيبي]

سلطان انت تعرف بأني أحبك منذو مبطي

اذن شهادتي فيك ملعون خيرها

صح لسانك ياصديقي وأكثر

 

[رزان سالم]

سلطان الحربي
أهلاً تليقُ بحضورك وسطورك
قصيدة عانقت السحاب روعةً وجمالا ً

 

[عبدالعزيز العميري]

سوف نغني هذه القصيدة، نغني هذا الجمال معك .

شكرا لقلمك ياسلطان !

 

[وليد الفالح]

رائع ياسلطان
تقديري