الــشـوق

[سالم العامري]

قاتل الشوق روحي لا تجدّ الرحيل
كن بالعمر ليلة ... ما تكفي غلاك

آتخيل عناها ... وادرك اني عليل
وآتعلل ... على صبرٍ يمده حراك

وش يخليك تبطي والمسافة تطيل
والمعاليق من صدري تقطّع علاك

كيف تدري .. اذا هام المولع بليل
واكتحل من سواد الغيم همسه وجاك

واستحالت دروب الوصل في نحر سيل
وابتلاني غيابك ... بين هذا ... وذاك

لوغدى الليل عينك كحلها يستحيل
اجمع الشوق من عينٍ تكّحل مساك

أشهد ان المواصل عدل والبعد ميل
لوبغيت العدالة .... خل ظلمك وراك

تحياتي لكم ،،،
سالم العامري