المعضله !

[عبدالعزيز الرميحي]

مدخل
بالنسبه لي شخصياً على الأقل هي معضلة
ذبح القصيده / الشعر
أو قل هو هدر كرامة الروح الشاعره
هي / وهي /وهي /بالطبع هي القصيده ولا أبعد
[poem="font="traditional arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا الناس هي الناس لا لا ولا هي = كن الاوادم عايشه وسط غابه[/poem]


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]





أشعلت شمعه وأنطفا ليلها فيّ = يـالدمعه اللّي بالسّحر مستجابه
تستمطر الآهات من جفنها مَي =وتغص في بحة حروفي كآبه
لا الناس هي الناس لالا ,,ولا ,,هي= كن الاوادم عايشه وسط غابه
يشرق فــي وجه المعضله لا أشرقت ضي = والرزق لامن جابه الحي جابه
جيت اسأل الشمس القديمه عن الحي = لقيت في عيني تحير الإجابه
راحت ولا بقت لعيني ,,ولا شي = الا شموع الذكريات ورتابه !
هذي ورا هذي ,,وهذي ورا ذي = ولا بللت جرد المحاني سحابه
خلّ اليباس يموّوت بخافقي حي = خلّه يموت ,, ولا تموت المهابه !
لو الغصون الذابله ما أورقت لي = الشعر يغرس بي خمايل كتابه
عشرين عام ,,النـزف موجع ومقوي = والحرف في صمتي يعيش إغترابه
الشعر ماهو غي لو بان لك غي = الشعر عطر أرواحنـا بـــــــ/ــــانسكابه
مامات شاعر عالي بهامته زي= شاعر ولا حتى / بعزته يابه !
قناعتي وأحساسي العذب وأيدي = فيها لبوحي في قصيدي رقابه
لو السما تمطر ذهب منه يا خي = حلفت ما أستمطرت للجدب بابه
الله خلقك تقول وتنول وتعي = لا تهين نبضك في منابر خطابه[/poem]