● بنـيّـات السنين العذارى ●

[مخلد الغنيم]

تمهيـــد :
● راودتني بنيّات السنين العذارى ●
................ ● ما اغْـلبتني ، ولا قـــدّت قميص الكرامة ●

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسهر .. ولاني مثل بعض السهارى =ياليت فيهم مثل شيّ ٍ بقلـبـي
حولي بنيّات السنين العذارى = تبي تـْـغلـبني مير أنا صعب غلــبي
بين الغلابى الكادحين الحيارى= حطّت ركابي والطموح اعتزل بي
وهموم قلبي ، والأماني تبارى = حتى التعادل بينهم صار سلبي
مستوحد الطرقة ..قليل المدارى = حزن ٍ تجوّد بي.. وحظّ ٍ نزل بي
مستفرد ٍ فكري وظلّي توارى = ورا قصيد ٍ ضقت فيه وبخل بي
عندي معاسيف الشوارد تمارى= عن جلب فكر الغير يمتاز جلبي
لعيون من قفّى وهو مايجـارى = كان السبب في بعض ممـّـا حصل بي
سامحته وكفّـيت عنه المثارى= لو هو طعنّــي خنجره وانقتل بي [/poem]


● أبعدكم الله عن البينّات الزمنيــّة ،، ودمتم ●