.
.
.
أحبتي آل أبعاد
عذرا لغيابي عنكم .. وحسبي أنكم تسكنون العروق والله
لكم ولأبعاد فقط بعض مني .. مع كل الحب
.
.
ممرات الزمن / ساعة عقارب / والعقارب طيش
وانا مابين بعض ارواح .. واقف في شراييني
أدور في شمال العمر / نبضه هاربه بشويش
وادلل في جنوب الوقت .. غربة عزّرت فيني
شروق الحال ملّ الأسئلة .. والنور عاش بـ أيش ؟
وغروب الحنايا / حزن دافي .. دمعته عيني ..!
ممرات الجهات الأربعة .. صدري / ووجه الجيش
وحرب الليل / ترتيب الصباح .. بشهقة سنيني
ألا من وين نتفادى الرماح .. بعادة التطنيش ..!!
ألا ياكبر صبر الأرض ..! والتعذيب تدويني
طيور الآآآه / ماملّت تطير .. ولا يهم الريش
"أحرار المدى" قرنس مداها .. وارتوت طيني
مشاعيل الأمل .. أكبر من الظلما / ولقمة عيش
مدام ان الشوارع .. مارضت ترضي مساكيني
أشوف الناس / قدام الجميع .. يمررون الخيش
وبعض الناس / مايشبع فراغه .. غير تأبيني
دخيل الدمعة القشرا / وعين الباكي الدرويش
دخيل النور / واحساس الظلام / ورغبة ايديني :
.. نمدّ الكف / لجل كفوف .. تهنا بالحيا / وتعيش
ونجمع لون فطرتنا .. مدام الحزن تلويني
رضاي الصعب ماخلا الحلوم تمارس البخشيش
ودمعة خاطري : ملح الشقاوة .. في عناويني
ممرات الجهات الأربعة : طيرٍ نساه الريش
وراح يمتر أنصاف الحلول / وراحت سنيني ..!
.
.
.
الســـيل
12/2009م
آخر المشاركات
12-28-2009, 10:15 PM
~~ الجهات الأربعة ..! ~~
العرض الشجري