لــلـذيــن يعكرون أجواء رمضــان دائمــاً بثرثرتهم ..
القصيدة قديمة جداً
كذا تعلـم غربتـي بعـض الأيـام
إن الزمن هذا مـع الحلـم متعـب
و إن إسمي اللي أنطقه صح بسـام
مع النمـو يكبـر عليـه ويصعـب
وكذا أنام أحيـان وأحيـان ماأنـام
وإن نمت يصبح فيلم الأحلام مرعب
وأغسل يدي من ثرثرة بعض الأفهام
اللي تغوص بمتـر واحـد مكعـب
ويبقى ألق ذكرى الفتوحات كل عام
ومع رمضان يزود ذكـره تشعـب
أبقى أنا في دائرة شـرع الإسـلام
ولعيون دين الله نزف جرح مصعب
وتبقى الزوايـا والنوايـا للأفهـام
و تبقى الكره في حظن الأيتام تلعب
وإلا رمضان اللي أصومه لي أعوام
ودي بليلـه نقتفـي درب مصعـب
الإهــداء لــــ الصــديق الدكــتور / مبــارك سعد الرويـــلي
عسكـرت للدمـع جفنـي وامتلـت عينـي
واستوحشتـك الزوايـا لآخــر غيـابـك
واتلفت .. الليل .. و أنا شايـل .. سنينـي
والذكريات .. الحزينـه .. تآقـف .. ببابـك
يـا أجمـل أحـلام عمـري كيـف تغلينـي
و أنا آخر الليل مستوحـش علـى أعتابـك
وحروف الأوجاع يـا .. قلبـت .. تغرينـي
أذكر غلاتك حبيبـي .. و أحظـن .. كتابـك
سهرت يمكن عشـان تشـوف وش فينـي
بكيت يمكـن عشـان تقـول وش .. جابـك
و أقول .. ذاك .. الجدار يخون .. تلوينـي
كتب به أغليك .. و أرجع له .. و لا يهابك
ما عاد به روح .. ترحم .. حزن .. كفينـي
و لا عاد .. به .. نفس .. تتحملني .. أنتابك
تعبت أدور .. عليه .. ويـن .. ألاقينـي؟!
في سكة الحـزن .. و إلا سكـة .. عتابـك
تعبت .. أسـاور مسافـة شـوق رجلينـي
وأقلـب الصبـر تحـت البـرد و تـرابـك
تعبـت أسولـف غـلاك لبينـي و بيـنـي
وأعيش أهذري قصيدي من كثـر مـا بـك
و يا أثمن .. أشياي .. ما بك شي .. يعنيني
إلاإن .. هالـروح مـا تتحمـل .. غيابـك
آخر المشاركات
08-20-2010, 02:36 PM
2 فـــي 1
العرض الشجري