علبة السردين !

[عبدالعزيز الرميحي]

على ذكر المطر والغيم والبراق يا دارين
ـــــــــ يحيلون البدو كل البدو لا أستمطر الشاوي

صباح التمر والسمن الشحيح وعلبة السردين
ــــــــــ بعضنا يحترف لمس السحاب وبعضنا هاوي!!

صباح الخير يا قمح الكفاف وحسرة المقوين
ـــــــــ يبات الليل طاوي فـ/ الضلوع وصبحهم طاوي

وهم ,, يتبع وهم,, يتبع وهم,, يتبع وهم آلين
ــــــــــ بلت جرد العروق من الحصير وجرهد اللاوي

ثلاث من الدهور ولا نبت بارض ارتحاله طين
ــــــــــ نبت شوك الضلوع العاريات بلا ورق ياوي

تلوح بخاطره بعض المبادي من ثلاث سنين
ــــــــــ ثلاث من اليباس اللي رحل غاوي وجا غاوي

ينادي بامتداده يا امتداده لو غراب البين
ـــــــــ عزف لحن الصمود من الصراخ وذيبها عاوي

على سكة غيابك يا القطوعه منتظر تأتين
ـــــــــ هزيع من الشجر طارت طيوره والفضا خاوي