سيمفونِيّة مَطَرْ

[سعيد الموسى]

[ 1 ]
ومرّ من الطريق
المرّ !
وخطواته من العلقم !
تنهّد كمّه
وتمتم !
متى أوصل لبيت الشِعر ؟
شبابيك الرصيف
أومت
خفافيش وظلام
وإيش ؟
هنا سنّارة الفِكره !
من آخر زاوية
حزنه !
كأنه شاف له / إبره !
نسج من قطنها
فكره !
وفصّل خطوته !
بكره !
مشى لين آخر العبره !
وصدفه !
طاحت الفكره !
وبيت الشِعر
مابيّن !
*
*
[2]
ومرّ من الطريق المرّ
وخطواته من
العلقم !
ذكرّ ربه : رفع كمّه !
وقف في قارعة
جفنه !
ومد إيدينه لربّه !
وتمتم بالخفــا
ذكره !
يارب الناس : عاقبهم !
يارب الناس ......
وأستغفر !
يارب الناس : سامحهم !
تنهّد ... وأحتضن يدّه !
كذا هو : لا قسى وقته !
يضّم أيدينه لصدره !
ويبكي قدّ مايمشي !
إلين دموعه العاقر
تطيح
وتنجب : الشاعر !
*
*
[3]
ومرّ من الطريق المرّ
وخطواته من
العلقم !
تنهّد كمّه
وتمتم !
متى أوصل لبيت الشِعر ؟
شبابيك الرصيف
أومت
خفافيش وظلام
وإيش ؟
هنا سنّارة الفِكره !
كأن الفجرّ ذا بيّن ؟ !
كأنه هالطريق يبان !
سمع في آخر الشارع
آذان وصوته مدوّي !
وصل حتى يدين
الباب !
ووضّى وأنطفى حزنه !
دخل لين أول المسجد !
وكبّر ... وأنحنى لله !