انا أن كتبت الشعر ماني بداريك
لا تحسب أبياتي لعالي قصورك
فيني ألم حرام لو تشعره فيك
تعاف عمرك والغياب وحضورك
الحزن أسمه بس هذا الذي فيك
ماساق درب الحزن خطوة سرورك
ولا مشيته في جفاف وتهاليك
ولا طرقت التيه او غاب نورك!!
يامدعي زور الليالي تبكيك
وش كان يوم العيد بالهم دورك!!
كاس الفرح ياما مسكتيه بيديك
واسقيتي الباقي لصغر زهورك
انا الحزن فيني مؤجر وتمليك
ولا انت حزنك بعد رشة عطورك
مجرد الغاية تبرر مساعيك
مثالي الأحلام طاغي غرورك
برستيج همك مايحقق أمانيك
والطبع يغلب لو تحاول شعورك
هذي الحقيقة والوهم لايوديك
أن طعت شوري لاتمسك بشورك
آخر المشاركات
07-02-2013, 03:50 PM
برستيج همك .!!
العرض الشجري