انشطار الذكريات والغربة

[محمد مهاوش الظفيري]

مدري يمرّ الحكي...وإلا السوالف تضيع

.............تعبت أدوّر ورا التاريخ عن مشكله

يا هيه...لا تبتسم...ليل المواجع فضيع

.............من كثر ماهو متراكم ما قدرت أحمله

تمر في خاطري كل السنين وتميع

.............وتجف في دفتري أعذب وجيه الوله

تمرّد الشعر في قلبي...ولا أستطيع

..........أهرب من الوقت واللا وقت...والأسئله

أسرجت خيلي ورا همّ السنين الشنيع

...........من أجل أوصل إلى أقصاه.. واستأصله

عثرت ف الدرب والدنيا تموج وتبيع

.............كل القيم والمبادئ...لأجل حفنة بله

ياحاديّ الأسئلة...كل النواحي تذيع

...........إن الفرج بالصبر...وان الصبر مهزله

أبا أتسامى على كل الخلايق وأشيع

.............همٍّ بقلبي عجزت أرضاه...واتحمله

وجّهّت كل المحاني للبصير السميع

.............يلملم الجرح...دام الجرح في أوله