تعال آسف ..

[حمدان روسان]

المشاركة الأصلية كتبت بواسطة عاتقه

تعال آسف
تعال المعذره عن مجمل ايامي بلا حسّك !
وانا بقبل ..
وخذني من جفا ليلي
على صدر العشم بغفى
وقبّلني ..
مضى لي وقت ما حسيت
بإحساس الفرح فيني
بعد مااقفت تفاصيلك
تعال إقراك في عيني
وشارع مات فيه الورد ما ابتلت عروقه منك
وضمّد جرحي النازف
وهاتك لي
ابد ماهو العشم إنك
تخليني رهينة في يدين الوقت ( وغيابك )
يضحكّني و يبكيني
ويبدا من نهاياتي
وينهيني !
كِذا يرضيك !
تعال وأخطف البسمه
(من كفوف الفرح لحظه)
وبقبل بس هاتك لي
وطيرني معك لآخر
سما هالكون أستاهل
انا استاهل
اكون بعينك الأسمى
واكون اهّلِك
قبل أهّلَك
تعبت اعاتب ايامي
واسايرها
ابي ارتاح من حزني
وكتبتك او نزفتك لين
ماادميت
قلوب العاشقين أجمع
تعال إسمع
تعالت لي كفوف اعجابهم وأسّمع كثير " الله "
ولكن وش يفيد ان كان
شعورك مالمس حزني
ولا اثر بي ولا جابك
انا احتاجك
ورب عيونك أحتاجك
كثير الشوق ياخذني
على درب الحنين المزعج المبكي على صوتك
على موتي
على ذكرى عتيق الدور
صور ضاعت ملامحها
على جدران هالغرفه
وبسمه باهته في زاوية صوره تبكيني
وّله وتّردلي ماضي
اخذ من عمري الأجمل
وماكمّل
تركني للحنين وغادر حدودي وخلاني
تركني ضايعه فيني
أدورني .. ولا القاني
بقيت العالقه دونه
اصيح وما معي إلا
بقايا صوتي الباهت
ينادي هات لي صبحك
تهادى بـ ابتساماتك
يشق النور في وجه الظلام الموحش الكاسف
تعال آسف
تعال آسف
تعال آسف
وانا بقبل
معاذيرك

..

عاتقه

الله
الله على جمالك ياعاتقه
تعال اسف لحالها هذي تجيب الواحد من اقصاه
ويجي مطفي الضو بليله فيها القمر باهت
والمطر هذا اذا مابلله ماعليه حسافه ولا اسف