الى متى ياليل وانت لـْ خاطري مرتع شتات
تسدل ظلامك في فضا فكري هواجيسٍ جهر
لين الشعر جرّد جروحٍ ما يلبّسها سبات
اسهر وفتّش في رفوف البال عن روضة زهر
يمكن تذوب الغصّه بـْ منكب شعورٍ وامنيات
واخرج من العتمة بنورٍ يسرق الظلما شهر
محتاجه النسيان مرة واحدة في هالحياة
لجل ارمي اللي لا ذكرته موّت اوراقي قهر
ياليل صاب القلب غربة والسبب رهبة سكات
تْوقف الكلمة وانا في طارف شْفاهي نهر
من الكلام اللي بلعته وان تبيّن قلت مات
لكنّه بـْ روحي يبي له لين ما يفنى دهر
ياليل لك حول الشهر تحطب بصدري ذكريات
ودي بصبحٍ لا تنفّسته خذا همّ السهر
آخر المشاركات
11-02-2022, 02:56 AM
عتاب ليل ...
العرض الشجري