أغاني حـــزن ..!

[ذياب العسكر]

أغــاني حزن ..

-
-

السلام عليكم ورحمة الله وبركاته

وأسعد الله أوقاتكم بكل خير ..

-
-
عذرا للجميع عن الغياب الاإرادي ، هي الظروف ليس إلا .. و دونما أي مقدمة لهذا النص ، هو فقط فكرة فراق مُتوقع تم غنائها بنشيج المعاني .. إهداء : لطفلة الروح ، والإهداء للجميع ..
-
-

.. و صرت أغني ..! .. مو طرب .. لكن حزين ..

وأنتي أكثر حزن فيني تعرفين ..

يامواويل الصِبا .. وناي الغريب ..

يامحطات(ن) وقف عنها السبيل ..

من غيابك .. إمتلى صدري أنين ..!

وصرت أغني ..

رغم صمتي .. وإنطوائي .. والمشيب ..

صرت أغني .. واللحن نغمة حنين ..!

..

و .. ( أتعلمين أيّ حزنٍ يبعث المطر ..

..... وكيف تنشجُ المزاريب إذا أنهمر ..

..... وكيف يشعرُ الوحيدُ فيه بالضياع ..

..... كالحب .. كالأطفال .. ) *1 *..

..

ومن فقدتك .. يبس الريق السؤال ..

ليه غبتي .. ؟!

ليه غبتي .. ؟!

وين غبتي ..؟!! / .. وعبرتي رعشة هوادج بالرحيل ..

ونبرتي نغمة نشاز بلا وتر ..

ذاب صوتي بلا صدى .. ولاتسمعين ..!!

-
-
ماذكرتي ليلة(ن) فيها أمتزجنا للسهر ..!

انتشى فينا التلاقي نكهتين ..!!

و 12 / 7 .. حكاية عاشقين ..

..... جيت وأعماقي محبه قاحله ..

وإنتظارك غيم شوقك وأبله ..

بنظرة عيونك قبايل .. جيتها زبنة دخيل ..

مانسيتي ..

.. مانسيتي .. وأدري إنك تذكرين ..؟!! ..

انفردنا في بعضنا للسحر ..

ونبضنا يوقظ مسافات الوصال ..

وآآآآآه كان إنك نسيتي وش يصير ..

لاجمعتك مقفيه .. أو تقبلين

بالمكان اللي يمارسنا خيال ..

أنشق أنفاس البنفسج تستحيل ..

.. لا حكيتي ../ .. ويستحيل التوت تين ..

والرضا بك .. من رضابك بالوتين ..

فوق صدر العشق .. كنتي تجلسين ..

و من غلاتي .. لاوقفت .. توقفيّن ..

تقطفين الهمس .. وأشعاري تميل : ..






[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كثر ماجربت مـن حـب .. و هيـام = كان طيش .. ورغبة(ن) بي تستثيـر
كـان ظنـي بالوفـا عهـود الكـلام = والصحيح إن الوفا : وصل(ن) ستيـر
وكنت أحسب الشوق : ميعاد الغـرام = أو : غياب(ن) يلفـظ اللهفـه زفيـر
من عرفتك صرت أعرف أنه : مقـام = من يطوله يعـرف غـرور الحريـر
ومن عطشتك .. إكتشف إن الغمـام : = ..لا لمس شوق الصحاري : جا غزير
والهديـل اللـي يغنـيـه الحـمـام = .. أحسبه صوت(ن) مجرد كالهدير ..
.. ماعزفنـي بالطـرب والإنسجـام = لين همسك ميّل إحسـاس العبيـر .. [/POEM]


-
-

ليه وحدك ريف ..؟! .. وأحلامي نهر ..!!

ليه وحدك نور ..؟!! .. والباقي فتيل ..!!!

( طفلة الروح ) .. وعطائي .. ياكريمه ..

سولفتني كذبة إبريل اللئيمه ..

.. خوف بحر(ن) ماحضن روح السفينه ..

وأفترقنا ..!!!

أفترقنا .. والأمل أدري ضئيل ..

والوصل : حلم الكرم عند البخيل ..

أفترقنا .. وصرت أغني من غيابك ..

صرت أغني : ( مو حزن .. لكن حــــــــــزين ) *2*..

وبي سؤال(ن) يبس أرياق السنين ..!!

.. ليه غبتي ..؟

ليه غبتي ..؟

ليه غبتــ..

ليه غبــ..

ليه غـ..

ليه ..

ليـ ..

لـ ..

..

..

__________
________
هوامش:
1 _ للشاعر : بدر شاكر السياب .
2 _ للشاعر : مظفر النواب .
-
-

مجلة وضوح 2007