...(( مسجّل خطر..!))

[عمري الرحيل]

المشاركة الأصلية كتبت بواسطة محمد عيضه

.
.
.
.


ثمر الجنة/ورد يشبه الجوري كان ينبت في مواسم الضباب وماحولها ويوزع مجانا على اعين القرويين
:
:
:
اهداء إلى أول حقيقة شي ما هيب مرّة...!
:
:
:
أسمع خطاك ستب باي ستب من فوق السطر
(مدلعة دايم تقول(اشوى مانيب مدلّعة)..!)
.
.
الله يحييك اغفري لي لو على بالك خطر
ان البساطة القروية هي تصنع أو ضعة
.
.
هذي منازلنا وذي حيضاننا نفس العطر
وهذا الجناب اللي يسمونه حديثا (مزرعة)
.
.
وهذي مقابر أهلنا صورة تقول ان الشطر
نهايته أهم لوتجرفك دهشة مطلعة
.
.
وحنا قراوة..ماتوا اهلي جوع لايمكن نطر
والله مافي بيتنا الا هالقلوب المشرعة
.
.
حطي بلوزتك الخريفية ..بلوفرك العطر***
واستانسي بدهشة أطفالي وضحكي من سعة
.
.
غريبة إن انتي....! ــوانا حظي قضاه اتفه وطرـــ
اخترتي النص وحكيتي لي حكاية ممتعة
.
.
وحيد قال الله ..فكنت اشبه تراب ماانخطر
حتى خلق كثيرة التفكير فيما أبدعه
.
.
مااخترت اكون اصغر من احزاني ولااكبر ما الأطر
جدا خياراتي قليلة في الحياة وموجعة
.
.
فان قل لك الشعر الحديث انه مسجلني ((خطر))
ودّه يقول لك لاتخليني غريق المعمعة
.
.
وان بوّست كفك فراشة حب والقلب انشطر
فامك ثمر جنّة ووالدك المطر راس اصبعه
.
.
ولاابتلت اعواد الثقاب وصارت الدنيا مطر
عرفت من بيده لمس( اتريك) قلب وولّعه...
******************
كل الشكر لآل بالمحكي/الاقتصادية

http://www.aleqt.com/news.php?do=show&id=114799

هما مسجل عطر للشعر الجميل
شكرا لك الرائع محمد عيضه