طــيــبـــة الـــقـــلـــب ....!!!

[صالح مصلح الحربي]

.
.
.



الي صديقي واخي الغالي العالي / محمد صلاح الحربي



[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]طـيـبــة الـقـلــب زلــــة يـــــا مـحــمــد صـــــلاح=فــــي زمــــان الـمـصـالـح مـــــا يـثــمن غـــــلا


الــــغــــلا لا عــطــيــتــه وزعــــــــه لــلـــريـــاح=واطــــرده مــثــل مــــا يــطــرد غــريـــب ٍ جـــــلا


واعــــرف ان الـهـقــاوي مــــا تــجــي بـالــمــزاح=واعــــرف ان الــوفـــا مــشـــروع بــيـــن الــمـــلا


واحــــــد ٍ لا سـقــيــتــه مـــــــن زلال ٍ قـــــــراح=لــيــه يــرمــي حـجـرهــا يـــــوم بــالـــه ســــلا


وان تـعــزويــت تـكــفــا مــــــا يــــــرد الــصــيــاح=راح مــنــي صــداهـــا فـــــي وســيـــع الــخـــلا


جـعـل مــا تصـيـر حـاجـه فـــي يـديــن الـشـحـاح=وجـعــل مـاهــم عــلــي رزق الـفـقـيـر( أوكــــلا)


دام هـالـقــلــب ابـــيـــض فـالـمـعـاتــب مـبـــاح=كـــبـــر حــــــق الــتــشــره كـــثــــر ود ٍ تــــــلا


مــن هــو الـلـي عـلـي الـدنـيـا خـلــيّ اسـتــراح=لــــو تـريّـحــت ســاعــه قــلــت مــامـــن حـــــلا


ول يـالـقــلــب هــــــذا وش تـــبـــي بــالــجــراح=عـــــدّ كـــــل الـخـطـايــا عــنـــك دفــعـــة بـــــلا[/poem]



صوت

( صالح مصلح الحربي )
.
.
.
.


.................................................. ..



[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهلا مثل صحبات المطر والصبـاح= في مدى متصل عشبه وعطره عـلا

يارفيق المكارم والوفـاء والفـلاح=أنت ياصالح المصلح ، يا ميّة هـلا

هاك ردي على الشعر المصفّى القراح=في قصيده ولا هي دلو ضمن الـدلا

طيبة القلب مِلّـة ولا تثمـر ربـاح=غير مع رجل مثلك بالمقـام اعتـلا

لو خفي البشر قبل التعامـل متـاح=كان نسلم من اللي بالـردى مبتلـى

والنذل لو يقابـل طيبتـك بالنبـاح= احقره لا تعـدِّه حـي بيـن المـلا

والغلا ما يتحقق له حيـاه و نجـاح=الا في قلب من نهر الجمـال أمتـلا

مثل قلبك ، لهتَّـان المحبـه بـراح=فدوته من هو قلبه بالسواد أختلـى

ياذخر ، يا فخر ، عزوة محمد صلاح= يختتم قلبي ردي في جزيـل الغـلا [/poem]

صدي

( محمد صلاح الحربي )

.
.
.