شعراء أبعاد المشاركين في شاعر المليون هذا العام

[أكرم التلاوي]

من شعراء أبعاد الذين شاركوا أيضا ً في النسخه الثالثه من شاعر المليون الشاعر الجميل " ثامر الحمدان " وقد كانت مشاركته بهذا النص الجميل





[POEM="font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الروح واحساس المطر في كياني=صعبه تصيغ العشب والنفس جدباء
شاعر واحس الله بشعري بلانـي=لأني وصلت لآخر حدوده وسـاء
أخاف اكون مرايته فـي مكانـي=وأشوف نفسي فيه واكون مستـاء
اجسادنـا تشبـه كثيـر الاوانـي=والشعر ماء يكتسب هيئـة أينـاء
الشي يحوي بداخله شـي ثانـي=مثل الشجر والريح والنار والمـاء
الشعر صعب تفهمه فـي ثوانـي=الشعر كائن حي يحتـاج ارضـاء
الشعر انثـى والملامـح معانـي=وأوراقنا البيضا نسى قيـد إنشـاء
خلكم معي ذكرى حبيـب نسانـي=تقدر تسمي ماسبق غيـر ماجـاء
تقدر تقوول انه رحـل ماخذتنـي=وتقدر تأولها الـى عـدة اشيـاء
تقدر تقول انـه ابـد مـو انانـي=لانه ترك من ذكرته نور وأضواء
وتقدر تقول انـه يبينـي اعانـي=لانه دواء ولو رحل صورتـه داء
للوقت حسبه في ظروف الزماني=متداخله اجزاء في رحـم اجـزاء
ساعه دقيقـه او مجـرد ثوانـي=شهر سنه او يوم في بعض انحاء
البارحه خالـد صديقـي عطانـي=عمره وفارق دنيته مثـل ماجـاء
اسمه يناقض واقعه شخص فانـي=واسمه يقول انه بدايه بـلا انهـاء
يمكن نقول ان الاسامـي أمانـي=وان الاماني تورق فظـل أخطـاء
ردد معي ردد معـي عيـد ثانـي=صعبه تجسد قيمة الشـي اسمـاء
[/POEM]


كل أمنياتنا بالتوفيق للجميل ثامر وكل شعراء أبعاد المشاركين