إختلاف المفاهيم

[سعد المطلق]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بين الحقيقه وإختلاف المفاهيم=دمعة طفل طاحت على وجه شايب
ياما وياما راح فيها مظاليم=وياكم سر مات وسط النصايب
بادي على وجه الزمان التقاسيم=كن النهار بظلمة الليل ذايب
الشمس تقتل فرحة الغصن بالديم=والصبح ما قدر شعور الحبايب
حتى السماء لاداعبت عالي الغيم=يطيح لاهبت عليه الهبايب
اللي قتل فرحة صغار ومفاطيم=اليتم والا ضيمكم يالقرايب
لا جار عمك مابقى بعدها ضيم=يكفيك جوره عن سموم اللهايب
لوكان ينظر للعدل والمقاسيم=ماشب ناره بالقلوب العطايب
ولو الجبال النايفات المجاهيم=تظهرغضبها كان شفت العجايب
مافيه حزن يابعد راسي مقيم=مثل العجاج دواه دمع السحايب
لاضاق صدرك بالهموم المراديم=خل الدموع تهد حيل المصايب[/POEM]