عالحديده ؟؟

[أحمد المعمري]

المشاركة الأصلية كتبت بواسطة عبدالله صلال العساف

اخوتي...اخواتي....اهديكم هذه القصيده
آملا ان تحوز على اعجابكم ....وان ترقى لمستوى ذائقتكم


(.....عالحديده.....)



عالحديده

شاعرك عايش عكِسْ
واقع رصيده
كل مايصرف من الاحلام شيك
قالو التوقيع .....عيده !!!
في فيافي السطر يرسم مايبيه
يضحك ؟ وتضحك أمانيّه عليه
ويمشي..سيده !
دوم ماخطّر سطر
ولا كسر خاطر حبرْ
واشعل إلليل الفقارى
اشموع عيده
يبكي؟؟
من يضحك غباء الناس
من فكره وقصيده
ويكتشف معنى البليد
إمن البليده
لو يخاويه الخيال
مارضى الواقع عليه
ولو يرافقه الجناس
الطباق ابلؤم كشّر ناجذيه
صار مرسى للبحور ؟؟؟
وعايشٍ من غير شاطي
وش جديده ؟
دمعةٍ هلّت على هامش بريده
من يدق الحب بابه
ينحسر ليل اغترابه
وينولد في دفتره نجمه جديده
حب وانحب وزرع ود وعنا
وللاسف غيره إلعناقيده جنا
كم سأل نفسه
أنا منهو...........انا ؟؟
وليه صار الراي مايرضا ابسديده !
عيده ؟؟
ان شاف اسمه ابأيّة جريده
كم شهر بنت وتوارى
في بعيده
كم وكم الكم ملّت من عديده
ويرجع الموال من اول يعيده
عالحديده
شاعرك عايش عكس واقع رصيده
وكل مايصرف من الاحلام شيك
قالو التوقيع عيده ؟؟


عبدالله صلال العساف

وش جديده؟؟؟

جديدك النقاء يا عبدالله والتميز بهذا النص

دمت بووود