.
.
.
مهما تغيّر لون العالم
وطعم الدنيا
وصوت الأرض
ونظرات البشريه جمعا
للحب اللي يفرض .. فرض
تبقى لك
خشخشة افكارك
أعذارك
قلمك .. احبارك
وإبداعك
هالطفل الحالم
يحيي في داخلك الظالم
وتعيش افـ/ طولك .. بالعرض
ما كنك عاكس هالكون
ما كن افـ/ داخلك جنون !
ينتقدك ورقك .. وانفاسك
تتبسّم
تلعن وسواسك:
كم عالِم .. كنّه مجنون ؟
والغالب ..
عايش مع دُوره
ما بين سياسه .. أو كوره
يعقد قمّه
تتبع قمّه
وتفوز بكأسك وتضمّه
من بعد خسارة اسطوره
لا تسأل عن هذا الغالب
لأنه طالب
فلسفته في وصف [ السالب ]:
واحد .. والله ما هو "ناقص" !
مجرم .. واحساسه يتراقص
يمشي دربه
يلف الشارع
و افـ/ راسه كم جنّي فازع
وشلون يدمر هالأرض !
ما كن العالم يتقدم
والدنيا حولك تتهدم
تتصور
وضعك يتطور
لا يمكن ابداً يتدهور
عايش مع هالطفل الحالم
تحيي في داخلك الظالم
وتعيش افـ/ طولك .. بالعرض
//
لقلوبكم ،،
آخر المشاركات
04-07-2010, 02:46 AM
[ فلسفة طالب ]
العرض الشجري