السلام عليكم
اليكم بعد غياب
غروب الشمس كيف اخبار خلّي
طلَبتك طمّن (المشتاق) قلّي
تبَعْك ولمَّت خْيوطك عباته
وسدّ الليل وجهه عن محلّي
رحل بيديه من عمري نعيمه
وطفلٍ دمعته مثلي تهِلّي
على ثغره تغاريد ابتهاجي
ومُر الوقت من (ريقه) يحلّي
ينادي باسمي/ احلامي تلبِّي
واجيه بلحظة احساس وتجلّي
حياتي (هوْ) ولو ماقد درابي
وهو (بعضي) ولكن صار (كلّي)!!
غروب الشمس لوتسمع نحيبي
وقََفْت بصمت تسمع ماحصلّي
تركني (صرخةٍ) يسمَع صداها
وحيدٍ بات بــ فراش التخلّي
ألمْلِم من مرايتْه اغترابي
وادوّر في حوايجْه التسلّي
أقوم الليل في محراب طيفه
وحلم الصبح في صدري يصلّي
أشم وسادتَه واعتب عليها
تقول نهاية القصه تغلّي
يجوب الليل في عيني وعيني
تناظر بالأمل عن حظن ظلّي
أمانه وش كتب (دمعه) لهمّي
عساك تقول مشتاق ولعلّي
ليا طارت من شفاهك وجتني
ابعثِر عتمة الدنيا واهلّي
واجفِّف ماكتبْته في غيابه
واقول لعذبة الرشفات بلّي
يباسٍ حطّمه فاس انتظاري
وباقصى مجلس النسيان زلّي
وكانك قلت مايسأل طلبتك
تقول (احمد)عن الدنيا (مولّي)!!!
احمد بن سارح
آخر المشاركات
09-19-2011, 12:50 AM
تقول(احمد) عن الدنيا مولّي!!!
العرض الشجري