من الارشيف إلتقاط انفاس ..

[نايف الروقي]

بسم الله الرحمن الرحيم
"
للتواصل فقط وكلي عذر..
"
الليله العمر عمره مارضى بالمرور
والدرب مجهول والرحله مداها بعيد
"
انقل جروحي على كفوفي تذاكر عبور
واقول ياقلبي افرح باكر الكون عيد
"
أشواق قلبي من اللهفه تناثر عطور
واحساس طاغي تغشاني بنيل المزيد
"
ياغايبه فالعيون أنتي جميع الحظور
في غيبتك كيف احس اني بدونك وحيد
"
سهرت في داخلك قبل الليالي تجور
اشعل ظلوعي شموع من التآلف تقيد
"
مزجت نفسي معك بالدلعنه والسرور
والفقد والشد والصحوه بجو ٍ فريد
"
لاتهت بك شيد احساسك متين الجسور
في داخلي يحتضنك من الغياب الوريد
"
في صحوتك داعب الخفاق طيش الشعور
حتى بداخل فؤادي صار وقعه شديد
"
تبزغ بك الشمس نور وتكتسي منك نور
مافيه داعي اكرر في وصوفك واعيد
"
في ثابت الحب كيسان المحبه تدور
ديري نبيذ المعاني وارتويني قصيد
"
شاعر قبل لا انزف الاشعار فكري يثور
حرارة افكار شعري ذاب منها الجليد
"
مشاعري ما اعتراها في غيابك فتور
في كل لحظه تجدد لك غرام ٍ جديد
"
شاعرك سطر حنينه والامل في سطور
الحبر دمه ونبض القلب ساعي بريد
"
في لذة النوم طيفك في غيابك يزور
وافز واقبل كفوفه وربي شهيد
"
محتاج المك تعالي وانثريني زهور
واعطيك ماتطلبين وهاتي اللي أريد
"
هنا فقط عند تلك اللحظه أعلن عبور
عمر ٍ بقربك يرجعني دهر مايزيد.
"
الروقي.ن.