الحال لا يمكن يدوم / بداح الشويب

[صالح العرجان]

المشاركة الأصلية كتبت بواسطة بداح المطيري

" العمر محدود " والحال لا يمكن يدوم
لو يدوم الحال ،، ما شفت فالدنيا يتيم ..

نفسك اولابك عن الناس لو ودك تلوم
فالطريق المنعوج والطريق المستقيم

" عيش فالدنيا كـ أن العمر ، مغير يوم "
وحاول بنفسك لنفسك ، تخليها نديم

واجه ظروف الزمن ، بالكفاح وبالعزوم ..
خلّك الصامد لو انك من الداخل هشيم

أحشم العالم وخلك مع العالم رحوم
كم تحليك الصفه لو تقلّدت الحشيم ..

" لا تفسر فالنوايا ولا تخاوي ظلوم "
النوايا عند ربي ، ولا غيره عليم ..

وكان متضايّق ترا الناس اغلبها هموم
منت اول شخص فالناس مايقدر يهيم

دام فالدنيا كواكب ، وضلعان ، ورجوم
خلك العاقل وسامر ذعاذيع النسيم ..

عانق احضان السحايب وسولف للنجوم
وإرسم وجيه الاماني على الليل العتيم

أرتفع ما للوطى غير ، نفسٍ ما تشوم ..
وأدمح الزلات مادمت طالع بالسليم

#بداح_الشويب

افرح اذا قريت من يكتب الاصاله بدون تكلف
اجد نفسي مطمئن وانا اقرأ لك يا بداح

صح لسانك يا شاعر

 

[بداح المطيري]

المشاركة الأصلية كتبت بواسطة صالح العرجان

افرح اذا قريت من يكتب الاصاله بدون تكلف
اجد نفسي مطمئن وانا اقرأ لك يا بداح

صح لسانك يا شاعر

صح بدنك ومرورك الجميل