راعــية الجمـــال

[عادل الدوسري]

بسم الله أبدأ
::
::
البيوت اللي على وضح النقى عـيّت تبيد
جمّـلتــني والجمايل عند راعـية الجمال

مرحبا بإسمي وبإسم اهل القوافي والنشيد
كامـــلــه و مكــمّــله لاشـــك لله الكمال

والمشاعر وافره تضفي علي هل من مزيد؟
والمعاني صادقه ما عاد تحتاج احتمال

الهوى يشهد علي والله على قولي شهيد
والروابع ساسها طيب ولا فيها إختلال

الوفـــا منكم ومـنــّـا لو نعــيـد ولو نزيد
والوصل ميزان حبك وانت في حكمك عدال

يا فريد الحسن ياللي كل ما منك فريد
انت بين الغيد نادر ما خلق مثلك مثال

جابك الله يوم زان البخت والحظ السعيد
فرحة ايامي وصالك لا عدمنا من وصال

أجتهد في قربك السامي ولي راي ٍ سديد
في هوى المجمول جاوبت اللغز قبل السؤال

والمحبه شيّدت وسط الحشى حكم ٍ تليد
حلّت القلب المحيل وتحكمه حكم إحتلال

وانت غالي والغلا يحكم ويطلب ما يريد
قوله النافـذ ولا ياتي على قوله جدال


قلم/عادل الدوسري