مُتنفس .. شِعري !

[سعيد الموسى]

المشاركة الأصلية كتبت بواسطة سعيد الموسى

[ إتصال ]
*

تدق الأخضر ...
الأسود !
وتسمع نغمة الفاضل :
دعاء !
وتخشع أفكارك !
قبل .. ماينطق
بــــ مرحب !
تمرّ أفكارك .. بشخصه !
*
*
[ لحظة الإنتظار 1 ]
*


مُرابي !
مرتشي !
راشي !
وكم يفسد ... ولايشبع !
اذا طلّ الفجر
وضّى .. !
وصلّى باأول المسجد !
يسبّح رافع ٍ صوته !
وعينه ... تلمح الرائي !
*
*
[ لحظة الإنتظار 2 ]
*

وهو طالع من المسجد !
يقابل طفلة الحاجه !
ويهديها رفات
ريال !
تناظر فيه متعجّب !
ويتمسكن !
من أفكارك !
يقول وتنظر لعينه :
فقيره !
لجلنا ... أفقر !
لعل اللي أندفع فيها !
يكافيني
عذاب النار !
*
*
[ لحظة الإنتظار 3]
*

تهنّدم ... تلبسه غتره !
يرش العطر !
ويحلّق !
بدا يومه إلى الدنيا !
يحرّك رَكْبه ...
ويمشي !
إلى سرقة عباد الله !
هنا يرشي !
هنا يقبض !
هنا يضحك
معَ مسؤول !
هنا كشّر لجل 100[ مِيّه ]!
يمرّه شايب ٍ
محتاج !
وهو داير له
إجزاءه !
تفضّل : دوّر لغيري !
*
*
[ لحظة الإنتظار 4 ]
*

يدق جواله
الصامت !
يرد ببهجه
وضحكه !
تقلِه : من هو الفاضل ؟
يقلك : هذا عزوتنا !
نزوّر !
نسرق !
أو ننهب !
وهو طبعاً حصانتنا !
بمعنى أوضح ...
وأوصخ !
له النصفين والأكثر !
والأدنى .. نقسمه !
إحنا !
تخيل عمّنا هذا !
يروح أو
يتعب ويمرض ! ؟
عسى الله بس
لا يقوله !
بتتكّشف ملاعبنا !
ونفقد كل سلطتنا !
*
*
*
[ لحظة الإنتظار 5 ]
*

إذا جاه المساء !
دقّت
حبيبة قلبه الأكذب !
يروح ويزني
ويرجع !
ينام ببيته
ويهمس !
أنا محظوظ بزواجي !
أحب أبنائي وبيتي !
لأن الأم ياأخواني
وفيّه !
ماهي بمثلي !
*
*
[ يرد على المكالمة أخيراً ]
*


يقاطعني هنا
.... مرحب !
ألو ...
أهلاً كبر أهلاً
أنا آسف
وصدقني !
لزوم
آغير الصامت !
عساني بس ماأزعلتك ؟
ضحكت وقلت :
لا عادي !
أنا كنت أسمع
النغمه !!!

___

ألو ..
أهلاً .. كُبر أهلاً !

 

[ميسون الرملاوي]

أقول : مرحبا
ثم يجاوبني بـ { كحه
يعني يكابر
كن ما شاف مخلوق
وأقول : صحه
لك على القلب صحه
أمشي أغلاطه
وأبادله بالذوق
ويقول : { عفواً ،، ما عرفتك
بــ { بحـــــه
وأنا أدري
إن ما بح صوته
سوى { الشوق ❤️

 

[عبدالله عليان]

.

ما وحشتك يا وطن؟ قلْ لي وحشتك
قل علي السبعان هالجافي وحشني

قلْ لي اني يوم انا طفل افترشتك
لين غطّاني جميلك وافترشني

واغفر ان جاوبت انا بصدري نقشتك
وَرّني بك صخر في صدره نقشني

قلْ لي انّي عشْت بك واقول عشتك
قل لي ارجع عيش بي واقول عشني!

قلْ دوشتك والله اني ما دوشتك
غير من قلب ٍ يلبي لك دوشني

قلْ ربشتك والله اني لو ربشتك..
هرْج ، مااحد ٍ فيك بهْروجه ربشني

واشهد اني عشت ذيب وْلا نهشتك
وان ذيب ٍ داخل ضلوعك نهشني

يا وطن دمّي شماغك.. وين بشتك
غنّ في عيدك ترى صوتك نعَشني

وكان صدرك ضاق بالشعر وبلشتك
والله ان الشوق في الغربه بلشني

ليتني ما حِشْت شيّ وبس حشتك
والا حِشْت اللي أحوش وقلت حِشْني

البلا انّي أشعر انّي ما وحشتك
وانت والله كل شي ٍ بك وحشني

علي السبعان .

 

[صالح العرجان]

المشاركة الأصلية كتبت بواسطة سعيد الموسى

___

ألو ..
أهلاً .. كُبر أهلاً !

مرحبا
وانا بعد مشتاق لك بقد رحمة الله

 

[سعيد الموسى]

المشاركة الأصلية كتبت بواسطة صالح العرجان

مرحبا
وانا بعد مشتاق لك بقد رحمة الله

حيّ الله الغالي العالي ، الأخ والصديق
تشتاق لك العافيه ياحبيب اخوك

 

[عبدالله عليان]

رغم الحذر .. إلا إن السِّر ماأسرع ماأنتشر ..
فكَّرنا بإستغراب .. وأنهزَّت الأعصاب
مين الَّلي ودَّا وجاب ..
وسرَّب الخبر ..
ههههههههههه

 

[سعيد الموسى]

المشاركة الأصلية كتبت بواسطة عبدالله عليان

رغم الحذر .. إلا إن السِّر ماأسرع ماأنتشر ..
فكَّرنا بإستغراب .. وأنهزَّت الأعصاب
مين الَّلي ودَّا وجاب ..
وسرَّب الخبر ..
ههههههههههه

أجعل كلامك واضحاً ياعبدالله لكي لايُفسر خطأ ..
هات ماعندك ..
إذا كان هذا تلميح لشيء يخصني انا قادر على مواجهة أي أحد أمام الناس ، واذا كان لايخصني
فلا ترمي الحديث هكذا " نحن رجال "
—
لك مكانتك وأجدك أحشم من هذه الردود المبطنة ونحن نحشم عنها ..

 

[عبدالله عليان]

المشاركة الأصلية كتبت بواسطة سعيد الموسى

أجعل كلامك واضحاً ياعبدالله لكي لايُفسر خطأ ..
هات ماعندك ..
إذا كان هذا تلميح لشيء يخصني انا قادر على مواجهة أي أحد أمام الناس ، واذا كان لايخصني
فلا ترمي الحديث هكذا " نحن رجال "
—
لك مكانتك وأجدك أحشم من هذه الردود المبطنة ونحن نحشم عنها ..

.
لا يروح بعيد تفكيرك ياصديقي حفظك الله
ترى الموضوع عادي وأقل من عادي جدا
أنا متأكد أن موضوعي غير مواضيعك التي تدور في رأسك
لك كم أنت عصبي وجميل
.
بأختصار ترى ما عندي سالفة وهالحين حمستني أعرف وش اللي عنك
الله عليك كثير الله عليك