اوراق مبعثرة!!!

[محمد علي الثوعي]

نار ٍ توقد في ضميري تصطلي
منضام وين اللي بقلبه يجملي

لا قلت لك يازين يا كل الحلى
انت الدواء وانته حبيب ٍ مخملي

صديت عني ماتناظر حالتي
والصدر من كثر المواجع ممتلي

ياصاحبي مليت ماعندي صبر
والجرح ينزف لا تقول ماقلت لي

صبري على قل الوفا مايحتمل
ماقلت لك سحاب صيف وينجلي

تدري ولكن لا تقول عز اللقاء
ياما التقينا يوم قلبك يسألي

اذكر تفاصيل الليالي الاوله
حبك اللي ساكن ٍ في داخلي

وانا على قمة جبل وسط الضباب
أبها ولا يبعد عن ابها منزلي

مرت سحابه واحضنتني وامطرت
صار قلب اللي مولع ينهلي

ايام كانت بالسعاده حافله
كل ٍ على ما قيل نجمه معتلي

أيامنا واحلامنا راحت سدى
بعد الصفا والود عليّا تجهلي

ساعة وداعك والمدامع تنهمر
في لحظة ٍ كل ٍ توقع مقتلي

ايام وشهور ٍ توالت موجعه
لاضاق صدري رحت انا يم الخلي

اللي عطاك الحسن وعيون ٍ وساع
خلا فؤادي في غرامك مبتلي


محمد الثوعي