حـضــــورك غــــيــــر ...!!!

[الجفول]

.
.






أقبل مساك وقلت لـه يامسـا الخيـر=يسعـد مسـاك وهالمسـا مرحبابـه
لك الحضور المخملـي دون هالغيـر=كلـك بهـاء وكبـريـاء ومهـابـه
فزت لـك ورود الهـوي والنواويـر=والغيم رتّـب لـك هطـول السحابـه
والحلـم واطيافـه وتغريـدة الطيـر=يشكلـون الــوان روح الصبـابـه
مسيارك لقلبي من اغلـي المساييـر=وحدب المحانـي كلهـا لـك رحابـه
ولـك المشاعـر زاكيـات التعابيـر=ولـك الهـلا والمرحبـا والحبـابـه
سولف وعطني سالفة سالـم الزيـر=وانا بسولـف لـك علـوم الصحابـه
وبعد بسولف لك عن الفـرم والطيـر=ذاك الأميـر اللـي عزيـزن جنابـه
أبيـك تاخـذ مكرمـات الأساطـيـر=لاويـن والدنيـا تعـيـش الرتـابـه
علـي تعاليـل الهـوي للمشاهـيـر=سولف وليـل الـود محـد ٍ سرابـه
وان جيت رهبان الهوي خلـك الديـر=لاياخـذك شـك وظنـون وغـرابـه
لـك الوعـد كـل الليالـي مسافيـر=فـي جيّتـك والذنـب يلقـي ثوابـه
ولك الغلا وسر الغـلا يحفظـه بيـر=أنتـه وانـا والليـل نقـرا كتـابـه
يامرحبابـك وانـت سيـد الغناديـر=والقلب قلبـك وانـت مفتـاح بابـه
وش القمر ؟ وانت بحضورك قمر غير=مـن علمـك ان الليـالـي تشـابـه

.
.


شاعر البحر الأخ الفاضل صالح الحربي


قصائدك سكنت الذاكره منذ زمن بعيد

شهادتي فيك مجروحه

متابعه لك بحول الله


تحياتي