أنا ضايع دخيلك يا مِزَعِلْة الْنِسَا قولي

[عبدالله سماح المجلاد]

لكل الأحبه في أبعاد أدبيه

رميت الصوت بفجوج الصحاري ما حدٍ حولي
ـــــ أطوّح أربع حـروف اسمك الغالي وانادي لك
تعبت انْدَه عليك(وذِبْت شوق) وطَحْت من طولي
ـــــ على مَفَرْق ثلاث من الدروب وقِلْت ابَمْشِي لك
تَخَاطَفْ جِسْمِي يـدين الثلاث وتسحب ارجولي
ـــــ وَلاَ ادْرِي أي دَرْب مـن الثلاث اللي يودّي لك
أنـا ضايع د خيلك يـا مِـزَعِلْـة الْنِسَا قولي
ـــــ على ايّـة درب اسَيّر خطوة الرجلين وَاجِيْ لك
عَرَفْتِيْني: وانا (الْفَقْرِي) طعامي خبزي وفولي
ــــــ فقيرٍ مَـا حَـلـَمْ تَلْمَسْ فـراشـا ته قناديلك
فقيرٍ حَطْ ، لِكْ بـا قـي عشاه وقال لك كولي
ــــــ قِسَمْ نصف الرغيف اللي معاه وراح يهدي لك
فقيرٍ مَـا بَلَشْ بالإقتصاد ووضعـه الـدولي
ــــــ لقى نفسه (غني) مِنْ قَامَتْ عيونه تراعي لك
فِرِحْ بِكْ: يوم قلتي مَازِحَهْ هو مِعْجِبَكْ زَوْلي
ــــــ وفَرَطْهَا لِعْن ابو ذاك الفقير وجى يغني لك
ذِبَحْنِي رمش عينك ذَبْحَةْ ابن الصدر للخولي
ـــــ وذبحني كثـر غيّك يوم قلتي أيش سوي لك
أنا جيتك تسـا بق همهمات الريح مرسولي
ـــــ ماهو مرسول عادي ذاك قلبٍ( تاه) في ليلك
يامجنونه:ظهرتي في حياتي بأغرب فصولي
ـــــ بفصلٍ مَـا لِبَسْ ثوب الربيع الاّ بحبي لك
يا أصْعَبْ مسأله مَرّتْ عَليّــه واعْيّت حْلَوْلِي
ــــ أنا أرفض أحلّك لكـن ابغى اسرف بتحليلك
تعالي (تُهْت)في بطن الشعيب ومجدب سهولي
ــــ تعالي ضُمـي ايتـام المـدامع في مناديلك
تعالي مـا بقـى غير الدموع ترافق اذهولي
ــــ تعالي يـا عنـودٍ فـَارِقَهْ بَالْحِسِنْ عن جيلك
متى (يا بنت)عيني تِلْتِفِتْ وتْشَـاهِدِكْ حولي
ــــ متى يَا بنت تِطْْْرِبْ مسمعي رجفة خلاخيلك