آخر // ذنوب // الوساده !!

[عيد الحواشيش]

"
"






أهــــــــداء

عينيك التي لم تعرف أن للشقاء لذَّةً // أشرب فنجانها


كل مساء // قبل أن // تتثائبَ // ذنوب // وسادتي



ولكم أيها الأعزاء // ولأعينكم الطاهرة النقيَّة !!


أهدي // ما تناثر فوق وسادتي ليلة // انكســــار !!



ــــــــــــــــــــ






[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]"







ياللي ذبحـت الشـوق وأفنيـت الآمـال = وخليتـنـي مابـيـن تـابـع ومتـبـوع

وأقفيت // حتى قبل تنشـد عـن الحـال = وأسقيتنـي مـن مـر الايـام قـرطـوع

الله حسيبـي فيـك // ياطيـب الفـال !! = ياللـي حرمـت العيـن لـذَّات وهجـوع

تخطي !! واسامح!! والخطا منك لازال !! =يمسي ويصبح بيـن محـذوف// مجـدوع

حـروة ثـلاث شهـور والقلـب رحَّـال = بينك //وبينك// صاحب الحال مرفـوع!!

لين انكسر رجال !!في قلـب رجـال !! = وماتت على شط الوله // حفنـة ظلـوع

واشعلت شمعه // ليـن ماعـد لـي بـال = وماتت شموعٍ //عاش من موتها شمـووع

وطاحـت تماثيـل الغـلا فـوق تمـثـال = وارتجفت العبرات // من جفـن ملسـوع

كـان يتمايـل بالغـلا كـل مـا مــال = غصن الخطا // ومن الخطا // دمَّه يثوع!!

ويقول : خلوها على الجـرح تختـال !! = من حقها // وأنا !! لهـا حـق مشـروع

أحبهـا // بهبـال // مجنـون // عقَّـال = وفي حبها مطبوع مطبـوع مطبـووووع

النافـر اللـي مشيهـا خَـتـل خَـتَّـال = مشية جفول الريـم مـع أوسـط الخـوع

يشفعلهـا قلـب علـى صوتهـا قــال: = لـو الثمـن عمـري دفعتـه لهـا طـوع

لذه / لها / لذه / بهـا / لـذة / هبـال!! = مجنون في صاحـي بربكـات مخـروع

لحظـة تلاقـي بـيـن عينـنـا طــال = فيها التأمُّـل // وانحصـد كـل مـزروع

المـوت يـوم ايدنهـا شالـت الـشـال = ينبوع // من ينبـوع // بشفـاه // ينبـوع

كامل // مكلمل// كل// مافيـه إجـلال!! = من راسها لاطرافها // ذنـب // مدفـوع

يا وجد حالي // كيـف // يدِّيـن عُـذال = قدَّت قميص الشوق // والشوق // دلوع!!

الله حسيـب الليلـه اللـي بهـا عــال = على الخفوق // اللي // غسل خده دمـوع

لين ارتوت عينـي وانـا وجهـي اقبـال = وقمت أطلب الله ليتنـي رايـح رجـووع

يلعـن أبـو جديـن جـدك يـاجـوال!! = ماجبتلـي منهـا سـوى حـرف منـزوع

ليتـك تركـت القلـب يلعـبـه الــلال = قبل الحروف اللي بهـا السـم منقـوع!!

لكـن مــدام السـيـن //تبغالـهـا دال = وقف معـاي شـوي واسمـع يامصـدوع

ووصـل كلامـي دون إعمـال واهمـال = ولا تمنع المصروف // والصرف ممنـوع

ياهند أنا وربـي مـا تسربلـت سربـال = ولا جيت أباكسي ذنبـي بعـذر مصنـوع

ولا نـي لعـوب ولا منـافـق ونـقّـال = ولاني من اللي لامشـى دربـه خضـوع

ولاني مدور هَنْـد!! ياهِتْـدْ!! بظـلال !! = الجوكر اللـي طـاح بالنـار مصـروع

وان كان صدرك ضاق من هـم واعلال = أنا على صدر الشقا // صـرت مطبـوع

يابـنـت أنــا للهم والضيـقـه جبال!! = فينـي ولكـن مـا تسبـب لـي الـروع

ومن بـاب تضميـن القصايـد والامثـال = بيت لابن سيـار //فـي قـول مسمـوع

غيرت فـي قافـه لاجـل يُفهـم الحـال = لانـك علـي أسنـدت قافـك علـى أوع

ياحسيـن مايشكـي مـن الوقـت رجـال = أنا أعرف رجـال شكـا وقتهـا الجـوع

أزوال مرَّيـنـا ومــرَّت بـنـا أزوال = لا ثمنتـنـا ولا عرفـنـا لـهـا نــوعِ

[/POEM]

لكم الحب كله // والتقدير // 18/4 عيـــــــــد

 

[صالح العرجان]

اول حضور



محجووووووووووووووووووووز

 

[طلال العنزي]

الشاعر الرائع / عيد الحواشيش

قصيدة في غاية الروعه والجمال

سلمت على طرحهآ


ودام تواصلكـ




اخوك
طلال العنزي

 

[صالح العرجان]

تخطي !! واسامح!! والخطا منك لازال ********* !!يمسي ويصبح بين محـذوف// مجـدوع
حـروة ثـلاث شهـور والقلـب رحَّـال ************بينك //وبينك// صاحب الحال مرفـوع!!


اجمل واروع خفايا الحب التسامح

,,,,,,,,,,


لكـن مــدام السـيـن //تبغالـهـا دال*********وقف معاي شـوي واسمـع يامصـدوع
ووصـل كلامـي دون إعمـال واهمـال********ولا تمنع المصروف // والصرف ممنـوع


يستشف عندليبنا ارق تعابير الحفظ بالسد متلاعبنا بنحو الكلام



عيد الحواشيش (( المتنبي ))


دعني هنا اعايش تلك اللحظات فما زلت اجهل الكثير مما حصل


صح لسانك

 

[سطام الصعب]

حضور اوّل للقراءة

 

[ناصر المخيليل]

صح اللسانك

قصية بقمة الروعة


تحياتي لك

 

[الكأس المقدسه]

عيـــــــــــــــــــــــد الحواشيش

صح لسانك

 

[فواز الزناتي]

عيد الحواشيش


قصيده لا تتجزأ فهي نظمت لكي تكون كتلة واحده

مرتبطة الجزيئات إرتباطا وثيقا

فكل ذره منها مصدرها القلب

وصدق الاحساس هو المنبع الرئيسي لكل شي


دمت بهكذا جمال




تحياتي لقلبك



فواز الزناتي..............,,