ابو نمر الطلوحي

[عبدالله البطي]

وا وجد روحي وجد من فارق أخيار
يوم القلوب اصحاح بيضا نظيفه
وجدٍ مثل قلبٍ بكى سود الأمرار
جيعان لكن مايشح برغيفه
على الذي للضيف حشمه ومقدار
يصعب بهذا الوقت تلقى وصيفه
زودٍ على ذالك ليا قلط الكار
بالطيب ماتلقى النفوس الكليفه
يخصهم بيتن على مكرم الجار
تحب من قاصر لحيه رديفه
قالوا ترى جارٍ بختري ونوار
وجارٍ على جاره صفاتن محيفه
يا أبو نمر لا واهني الذي صار
جارٍ لكم والي سواكم نعيفه
يالوايلي يذكرك من باعدك دار
يبقى الطلوحي خير من بر ضيفه
لو الحبر يوفي مطاليق بأشعار
كتبت عرض وطول فوق الصحيفه
لكن يالطيب طويلين الأشبار
لصدورنا يبقى غلاهم حليفه
اختامها عد السحايب والأمطار
واعداد ماسوت يدينك ظريفه
عساك يالشغموم تحرم على النار
وفعلٍ يبيض وجهك الله يضيفه
ويعطيك ربي صحة وخير واعمار
ويحميك صفعات الليال المخيفه
الشمري قاله على طيب لك صار
ماهيب هرج الي يعده بزيفه
وجدٍ عليك بصدق ياطيب الكار
واقلوبكم يالطيبين النظيفه
نسرق من اللي قاصرك عنك اخبار
ونبكي على مثلك بجاش الرهيفه
وندعي عسى الله يبعد ادناة الأخطار
عن جار مثلك مانلاقي وصيفه

 

[إبتسام محمد]

"
.
.

ونعم بأبو نمر وأهل شمّر كلهم ولا يهونون باقي القبايل ..
صح لسانك أستاذي ..

مودتِي .."

 

[علي القرني]

الله الله جزله من راس جزل
القصيده جديره بالتمعن
والاستمتاع بما بذهر من جمال
لاهنت




احترامي

 

[عبدالإله المالك]

صح لسانك يا عبد الله البطي
ويستاهل الطلوحي
هالأبيات الجزلة ومن راس جزل

تحياتي لكما